الماتىدا ۇلىن جۇمىسقا العان ديرەكتور سوتتالدى، دەپ حابارلايدى "ادىرنا" ۇلتتىق پورتالى ازاتتىق رۋحىنا سىلتەپ.
ول بالاسىن لابورانت لاۋازىمى بويىنشا تىركەپ، بيۋدجەت قاراجاتىن ۇرلاعان. ول الماتى وبلىسى بالقاش اۋدانىنىڭ مەكتەبىندە ەڭبەك ەتكەن.
2022 جىلدىڭ تامىزىندا سوتتالۋشى بالقاش اۋدانى مەكتەبىنىڭ بىرىندە ديرەكتور قىزمەتىن اتقارعان. سوتتالۋشى ءوزىنىڭ كىناسىن تولىق مويىنداپ، جاساعان ىسىنە وكىندى.
«سوت ديرەكتوردى كىنالى دەپ تانىدى جانە ۇرلانعان مۇلىكتىڭ 10 ەسەلەنگەن مولشەرىندە ايىپپۇل تۇرىندە جازا تاعايىندادى، ياعني، 9 ميلليون تەڭگە، سونداي-اق مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا، قارجى ۇيىمدارىندا لاۋازىمداردى اتقارۋ نە بەلگىلى ءبىر كاسىپتىك نە وزگە دە قىزمەتپەن اينالىسۋ قۇقىعىنان ءومىر بويىنا ايىردى»، - دەپ حابارلادى ايماقتىق سوتتىڭ ءباسپاسوز قىزمەتى.
