«اق جول» زارداپ شەككەن سەكتورلاردا شوب ءۇشىن نەسيەلىك جانە سالىقتىق دەمالىستار ەنگىزۋدى ۇسىنادى

«اق جول» زارداپ شەككەن سەكتورلاردا شوب ءۇشىن نەسيەلىك جانە سالىقتىق دەمالىستار ەنگىزۋدى ۇسىنادى. بۇل تۋرالى بۇگىن فراكتسيا جەتەكشىسى، قر ءماجىلىس دەپۋتاتى ازات پەرۋاشەۆ ءماجىلىستىڭ جالپى وتىرىسىندا جولداعان دەپۋتاتتىق ساۋالىندا ايتتى.

قر پرەمەر-ءمينيسترىنىڭ ءبىرىنشى ورىنباسارى ا.ءا. سمايىلوۆقا

قر قارجى نارىعىن رەتتەۋ اگەنتتىگىنىڭ توراعاسىنا

جاقىندا وتكەن ەپيدەميولوگيالىق جاعداي جونىندەگى كەڭەستە پرەزيدەنت ق. توقاەۆ ۇكىمەتكە «زارداپ شەككەن سالالارداعى شاعىن جانە ورتا بيزنەس سۋبەكتىلەرى ءۇشىن جەكەلەگەن سالىقتار مەن تولەمدەردى تولەۋدى كەيىنگە قالدىرۋدى شۇعىل تۇردە ەنگىزۋدى، قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانككە ەكونوميكانىڭ زارداپ شەككەن سەكتورلارىندا شاعىن جانە ورتا بيزنەس نەسيەلەرى بويىنشا تولەمدەردى كەيىنگە قالدىرۋ مۇمكىندىگىن پىسىقتاۋ تۋرالى تاپسىرما بەرگەن بولاتىن. «اق جول» دەموكراتيالىق پارتياسى بۇل تاپسىرمالاردى قولدايدى جانە قاسىم-جومارت كەمەلۇلىنا كاسىپكەرلەردىڭ قيىن، كەيبىرەۋلەرى ءۇشىن ءۇمىتسىز بولعان جاعدايلارعا تۇسىنىستىك تانىتقانى ءۇشىن ريزاشىلىعىن بىلدىرەدى. ەسكە سالا كەتەيىك، مەملەكەت باسشىسى وسى ماسەلە بويىنشا العاشقى تاپسىرمانى ءبىر جىل بۇرىن، 2020 جىلعى 23 ناۋرىزدا توتەنشە جاعداي جونىندەگى مەملەكەتتىك كوميسسيانىڭ ءبىرىنشى وتىرىسىندا بەرگەن بولاتىن. سول كەزدىڭ وزىندە پرەزيدەنت تولەمدەردى كەيىنگە قالدىرۋدى ۇسىنىپ قانا قويماي، الدىمەن 2020 جىلدىڭ 15 ماۋسىمىنا دەيىن، سودان كەيىن 1 قازانىنا دەيىن، وسى باعىتتا شارالار كەشەنىن ازىرلەۋدى جانە ىسكە اسىرۋدى تاپسىردى. «اق جول» دەموكراتيالىق پارتياسىنىڭ فراكتسياسى بىردەن پرەزيدەنتتىڭ تاپسىرماسىن مۇقيات پىسىقتاۋدى تالاپ ەتتى. وتكەن جىلدىڭ 15 ساۋىرىنەن باستاپ ءبىز ۇكىمەتكە، ۇلتتىق بانككە جانە قارجى نارىعى اگەنتتىگىنە 9 ساۋال مەن ءوتىنىش جولدادىق، وندا ولار قابىلداعان تولەمدەردى مەحانيكالىق تۇردە كەيىنگە قالدىرۋدىڭ جارتىسى عانا ورىندالعانىن كورسەتىپ، ءوزارا بايلانىستى ماسەلەلەردىڭ بۇكىل كەشەنىن پىسىقتاۋدى تالاپ ەتتىك. قولدانىستاعى نەسيە شارتى شەڭبەرىندەگى قاراپايىم كەيىنگە قالدىرۋ ماسەلەنى شەشپەيدى، كەرىسىنشە قارىز جۇكتەمەسىن كۇشەيتەدى. ول اياقتالعاننان كەيىن جيناقتالعان تولەمدەر سوماسىن بانكتەر قارىزدىڭ نەگىزگى سوماسىنا اۋدارادى جانە شارتتىڭ قالعان مەرزىمىندە اعىمداعى تولەمدەر وسە بەرەدى. بۇل كاسىپورىنداردى كۇيرەۋ قاۋپىنە ۇشىراتادى، ويتكەنى ولاردىڭ اينالىم مولشەرى ازايدى. مىسالى، قىزمەت كورسەتۋ سالاسىندا، سوڭعى ءبىر جىلدان استام ۋاقىت ىشىندە اينالىم 5-6 جانە ءتىپتى ودان دا كوپ ەسەگە ازايدى. سوندىقتان «اق جول» دەموكراتيالىق پارتياسى اتالعان ساۋالداردا كەلەسىلەردى تاباندى تۇردە ۇسىندى:

• 1)تولەمدەردى كەيىنگە قالدىرۋ عانا ەمەس، سونداي-اق اعىمداعى تولەمدەر سوماسىن ساقتاۋ ءۇشىن شاعىن جانە ورتا بيزنەسكە وسىعان ۇقساس كەزەڭگە نەسيە شارتىنىڭ مەرزىمىن اۆتوماتتى تۇردە ۇزارتۋ قۇقىعىن بەرۋ;
• ء2)دال سول ماقساتتار بويىنشا بانكتەرگە كەيىنگە قالدىرىلعان تولەمدەردى بورىشتىڭ نەگىزگى سوماسىنا ايىرباستاۋعا تىيىم سالۋ، بۇل ءۇشىن تەك كەيىنگە قالدىرۋدى عانا ەمەس، شوب-تىڭ زارداپ شەككەن سەكتورلارى ءۇشىن نەسيە دەمالىستارىن جاريالاۋ.

وتكەن جىلدىڭ ءساۋىر جانە مامىر ايلارىندا ءبىز بۇل ۇسىنىستاردى ەلەمەۋ كەيىنگە قالدىرۋ اياقتالعاننان كەيىن (1 قازان) وسى ماسەلەگە قايتا ورالۋعا ءماجبۇر ەتەتىنىن، بىراق كوپتەگەن بيزنەس سۋبەكتىلەرىن قۇتقارۋ مۇمكىندىگىنىڭ جويىلاتىنىن اتاپ وتتىك. الايدا ءبىزدىڭ تالاپتارىمىز ەسكەرىلمەدى. ەگەر پرەزيدەنتتىڭ جولداۋىن ورىنداۋ ءۇشىن وتكەن جىلدىڭ كۇزىندە بيزنەستىڭ 8400 جوباسىنا ارنالعان نەسيەلەر قايتا قارجىلاندىرىلعان بولسا، كەشەگى «اق جول» فراكتسياسىنىڭ بارلىق وڭىرلەردىڭ قاتىسۋىمەن وتكەن ساۋدا كاسىپورىندارى مەن بازارلار قاۋىمداستىعى مۇشەلەرى قاتىسقان وتىرىستا ايتىلعان دەرەكتەرگە سۇيەنسەك، قوعامدىق تاماقتانۋ، كولىك جانە قىزمەت كورسەتۋ وبەكتىلەرى تۋرالى ايتپاعاندا، تەك وسى اتالمىش سالادا 10 مىڭنان استام كاسىپورىن جۇمىسىن تۇپكىلىكتى توقتاتتى. نەسيە بەرۋ سالاسىنداعى احۋالعا جاۋاپ بەرەتىن قارجى نارىعىن رەتتەۋ اگەنتتىگى بيزنەستىڭ كۇيرەۋىنىڭ تاعى ءبىر جارتى جىلىن كۇتپەي-اق وتكەن جىلدىڭ جازىندا جانە كۇزىندە جاعدايدى شىنايى باعالاۋعا، پرەزيدەنتتىڭ الدىڭعى تاپسىرمالارىن تولىققاندى پىسىقتاۋعا جانە ورىنداۋعا مىندەتتى بولعانىنا سەنىمدىمىز. قارجى نارىقتارىنىڭ ءال-اۋقاتىنىڭ نەگىزى - بۇل بانكتەردىڭ تۇراقتىلىعى عانا ەمەس، ەڭ الدىمەن - شاعىن جانە ورتا بيزنەستى قوسا العاندا، ولاردىڭ جاپپاي قارىز الۋشىلارىنىڭ تولەم قابىلەتتىلىگى ەكەنىن ەسكە سالۋعا ءماجبۇرمىز. وسىعان بايلانىستى، پرەزيدەنتتىڭ نەسيەلەر بويىنشا تولەمدەردى كەيىنگە قالدىرۋ تۋرالى تاپسىرماسىن ورىنداۋ شەڭبەرىندە «اق جول» دەموكراتيالىق پارتياسىنىڭ فراكتسياسى ەكونوميكانىڭ زارداپ شەككەن سەكتورلارىندا شوب ءۇشىن نەسيە مەرزىمدەرىن ۇزارتۋ جانە نەسيە دەمالىسىن ەنگىزۋ تۋرالى جوعارىدا كورسەتىلگەن ۇسىنىستاردى قايتا جىبەرەدى. جوعارىداعىلارعا ۇقساس، كەلەسىدەي ءۇشىنشى شارانى ۇسىنامىز: 3) پاندەميا اياقتالعانعا دەيىن سالىق دەمالىستارىن ەنگىزۋ، زارداپ شەككەن سەكتورلاردا ايىپپۇلدار مەن ءوسىمپۇلداردى جويۋ، سونداي-اق سالىق تولەۋشىلەردىڭ جاعدايىن ناشارلاتاتىن جاڭا سالىق سالۋ جانە ونى اكىمشىلەندىرۋ نورمالارىن ەنگىزۋگە تىيىم سالۋ.  

قۇرمەتپەن،

«اق جول» فراكتسياسىنىڭ دەپۋتاتتارى