«Aq jol» zardap şekken sektorlarda ŞOB üşın nesielık jäne salyqtyq demalystar engızudı ūsynady. Būl turaly bügın fraksiia jetekşısı, QR Mäjılıs deputaty Azat Peruaşev Mäjılıstıŋ jalpy otyrysynda joldaǧan deputattyq saualynda aitty.
QR Premer-Ministrınıŋ bırınşı orynbasary A.Ä. Smaiylovqa
QR Qarjy naryǧyn retteu agenttıgınıŋ töraǧasyna
Jaqynda ötken epidemiologiialyq jaǧdai jönındegı keŋeste Prezident Q. Toqaev Ükımetke «zardap şekken salalardaǧy şaǧyn jäne orta biznes subektılerı üşın jekelegen salyqtar men tölemderdı töleudı keiınge qaldyrudy şūǧyl türde engızudı, Qarjy naryǧyn retteu jäne damytu agenttıgı men Ūlttyq Bankke ekonomikanyŋ zardap şekken sektorlarynda şaǧyn jäne orta biznes nesielerı boiynşa tölemderdı keiınge qaldyru mümkındıgın pysyqtau turaly tapsyrma bergen bolatyn. «Aq jol» demokratiialyq partiiasy būl tapsyrmalardy qoldaidy jäne Qasym-Jomart Kemelūlyna käsıpkerlerdıŋ qiyn, keibıreulerı üşın ümıtsız bolǧan jaǧdailarǧa tüsınıstık tanytqany üşın rizaşylyǧyn bıldıredı. Eske sala keteiık, Memleket basşysy osy mäsele boiynşa alǧaşqy tapsyrmany bır jyl būryn, 2020 jylǧy 23 nauryzda Tötenşe jaǧdai jönındegı memlekettık komissiianyŋ bırınşı otyrysynda bergen bolatyn. Sol kezdıŋ özınde prezident tölemderdı keiınge qaldyrudy ūsynyp qana qoimai, aldymen 2020 jyldyŋ 15 mausymyna deiın, sodan keiın 1 qazanyna deiın, osy baǧytta şaralar keşenın äzırleudı jäne ıske asyrudy tapsyrdy. «Aq jol» demokratiialyq partiiasynyŋ fraksiiasy bırden Prezidenttıŋ tapsyrmasyn mūqiiat pysyqtaudy talap ettı. Ötken jyldyŋ 15 säuırınen bastap bız Ükımetke, Ūlttyq Bankke jäne Qarjy naryǧy agenttıgıne 9 saual men ötınış joldadyq, onda olar qabyldaǧan tölemderdı mehanikalyq türde keiınge qaldyrudyŋ jartysy ǧana oryndalǧanyn körsetıp, özara bailanysty mäselelerdıŋ bükıl keşenın pysyqtaudy talap ettık. Qoldanystaǧy nesie şarty şeŋberındegı qarapaiym keiınge qaldyru mäselenı şeşpeidı, kerısınşe qaryz jüktemesın küşeitedı. Ol aiaqtalǧannan keiın jinaqtalǧan tölemder somasyn bankter qaryzdyŋ negızgı somasyna audarady jäne Şarttyŋ qalǧan merzımınde aǧymdaǧy tölemder öse beredı. Būl käsıporyndardy küireu qaupıne ūşyratady, öitkenı olardyŋ ainalym mölşerı azaidy. Mysaly, qyzmet körsetu salasynda, soŋǧy bır jyldan astam uaqyt ışınde ainalym 5-6 jäne tıptı odan da köp esege azaidy. Sondyqtan «Aq jol» demokratiialyq partiiasy atalǧan saualdarda kelesılerdı tabandy türde ūsyndy:- 1)Tölemderdı keiınge qaldyru ǧana emes, sondai-aq aǧymdaǧy tölemder somasyn saqtau üşın şaǧyn jäne orta bizneske osyǧan ūqsas kezeŋge nesie şartynyŋ merzımın avtomatty türde ūzartu qūqyǧyn beru;
- 2)Däl sol maqsattar boiynşa bankterge keiınge qaldyrylǧan tölemderdı boryştyŋ negızgı somasyna aiyrbastauǧa tyiym salu, būl üşın tek keiınge qaldyrudy ǧana emes, ŞOB-tyŋ zardap şekken sektorlary üşın nesie demalystaryn jariialau.
Qūrmetpen,
«Aq jol» fraksiiasynyŋ deputattary
