الەمدىك گەوساياسي تارتىس پەن تەكەتىرەس يمپەريالىق امبيتسياسى باسىم ەلدەردىڭ ءوز قولىندا قانداي قۋاتتى قارۋلارى بار ەكەنىن كورسەتىپ جاتىر. بۇل دا ساياسي پسيحولوگيا مەن ساياسي تۇقىرتۋدىڭ ءبىر امالى سياقتى.
تۇركيانىڭ Bayractar كومپانياسىمەن سەرىكتەس Akıncı كومپانياسى كەزەكتى قۋاتتى دروندارىن ەكسپلۋاتاتسياعا شىعاردى. بۇل سوڭعى بۋىن دروندارى ازەربايجان مەن ارمەنيانىڭ اراسىندا وتكەن سوعىستا پايدالانىلعان Bayractar تۆ2 دروندارىنان الدەقايدا قۋاتتى دەپ اقپاراتتار بەرىلىپ جاتىر.
Akıncı كومپانياسىنىڭ دروندارىنىڭ تەحنيكالىق حاراكتەريستيكاسى مىناداي:
-سالماعى - 5 توننا;-قۋاتتىلىعى - 850 اتتىڭ كۇشىنە پارا پار;-12 شاقىرىم بيىكتىككە دەيىن جۇمىس جاساۋعا مۇمكىندىگى بار;-جىلدامدىعى - 460 كم/ساع:-اسپاندا 24 ساعات بويى جۇمىس جاساي الادى;-قاناتىنىڭ اراقاشىقتىعى - 24 م;
Akıncı كومپانياسىنىڭ دروندارى بايراكتاردىڭ الدىڭعى بۋىنىنان الدەقايدا قۋاتتىلىعىمەن قاتار سالماعى دا الدەقايدا اۋىر. سالماعى اۋىر بولعان سايىن ونىڭ سوعىستاعى جويۋ مۇمكىندىگى دە جويقىن دەگەن ءسوز. سوڭعى سەريالى شىعارىلىمداعى دروننىڭ بومبالاۋشى ۇشاقتاردى، اسكەري بازالار مەن بوەپريپاستاردى، ستراتەگيالىق ماڭىزدى نىسانداردى جويىپ جىبەرۋ ىقتيمالدىلىعى وتە جوعارى. اۆيابومبالاردى تاستاۋداعى دالدىگى دە وتە جوعارى. ءتىپتى جوعارى جىلدامدىقتاعى ۇشىپ كەلە جاتقان قاناتتى زىمىرانداردى دا راداردان شىعارماي قاعىپ تۇسىرۋگە قاۋقارلى ەكەن.
ءدال وسىنداي قۋاتتى قارۋلارى قولىندا تۇرعاننان كەيىن ەردوعان الەمدىك گەوساياسي تەكەتىرەسكە بەلسەنە ارالاسىپ، تۇركيانىڭ حالىقارالىق ساياساتتاعى امبيتسياسىن قايتا-قايتا كورسەتىپ جاتىر. ەردوعان وزىنە سەنىمدى بولماسا، ءدال وسىنداي الەمدىك تەكەتىرەسكە ارالاسپاس ەدى.
بەكبولات قارجان،
"ادىرنا" ۇلتتىق پورتالى
