قۋانىش ەدىلحانتەگى: لاۆروۆ قازاقستانعا نە ماقساتپەن كەلە جاتىر؟

2702
Russian Minister of Foreign Affairs Sergey Lavrov speaks during a press conference at the OSCE Ministerial Council at the fair halls in Hamburg, Germany, 9 December 2016. About 50 ministers of foreign affairs participate in the conference of the Organization for Security and Co-Operation in Europe between 8 and 9 December in Hamburg. Photo: Christian Charisius/dpa
Russian Minister of Foreign Affairs Sergey Lavrov speaks during a press conference at the OSCE Ministerial Council at the fair halls in Hamburg, Germany, 9 December 2016. About 50 ministers of foreign affairs participate in the conference of the Organization for Security and Co-Operation in Europe between 8 and 9 December in Hamburg. Photo: Christian Charisius/dpa

رف ءسىم لاۆروۆ قازاقستانعا كەلەدى دەپ جاتىر. نە ءۇشىن؟ ونى ءتۇسىنۋ ءۇشىن ونىڭ وسىنىڭ الدىندا قىتايعا بارىپ كەلگەن ساپارىن تالداپ كورەلىك. ارينە، ماسشتاب تەڭ ەمەس - قىتاي يادرولىق قارۋى بار سۋپەردەرجاۆا قاتارىندا جانە بۇۇ تۇراقتى مۇشەسى، ال قازاقستان... باسشىسى قايتا-قايتا الەمدىك دەڭگەيدەگى ۇسىنىستارىمەن جۇرتتىڭ باسىن قاتىرىپ، ءتىپتى كەيبىرەۋلەردىڭ كەكەسىن-مىسقىلىنا قالىپ باسقالارعا مازاق بولىپ جۇرگەنىن ءوزى دە تۇسىنبەيتىن، ورتالىق ازياداعى قاتارداعى مەملەكەتتەردىڭ ءبىرى عانا. سوعان قاراماستان كەيبىر نارسەلەر ويعا ورالادى.

لاۆروۆتىڭ قىتايعا ساپارى وتە ءساتسىز اياقتالعان. رەسەيگە بولا قىتاي باتىس ەلدەرىمەن جاماناتتاسپايدى. الەمدىك ەكونوميكاداعى ۇلەسى 1.5 %-ءتى قۇرايتىن رف ءۇشىن بىرەۋمەن شەكىسىپ قايتەدى؟ لاۆروۆتىڭ قىتايمەن بىرلەسىپ باتىسقا سانكتسيا سالساق قايتەدى دەگەن ۇسىنىسى دا وتپەي قالعان. سالسا قىتاي ءوزى سالادى، بىراق رف-مەن بىرلەسىپ ەمەس. سوندىقتان دا اشەيىندە ءبىز دە سيممەتريالى تۇردە سانكتسيا سالامىز دەپ گۋىلدەپ جاتاتىن رف باق-تارى ءۇنسىز قالدى، سوڭعى سانكتسياعا ءتىپتى جاۋاپ قاتۋعا دا شامالارى كەلمەدى.

قىتاي رەسەيگە بولا دوللاردان باس تارتپايدى جانە باتىستىق تولەم سيستەماسىن قولدانا بەرەدى (SWIFT).

قىتاي ءتىپتى رف-مەن قانداي دا بولسىن، وداق قۇرۋدان (ونىڭ ىشىندە اسكەري دە) باس تارتتى.

باتىسقا قارسى كۇرەستە ءسويتىپ رف جاپادان-جالعىز قالدى. قىتاي سەنىمدەرىن اقتامادى. ەندى قايتپەك كەرەك؟

بۇل ەندى ەاەو اياسىندا بىزدەردى ءوز ىستەرىنە ارالاستىرماق پا دەگەن وي كەلەدى. مىسالى سىزدەر دە دوللاردان باس تارتىڭىزدار دەسە؟ نەمەسە SWIFT-تەن باس تارتىڭىزدار دەۋى مۇمكىن-اۋ؟

سانكتسيا جونىندە تۇسىنىكتى بولدى - ءبىز تۇگىلى رف وزدەرى دە سانكتسيا سالۋعا شامالارى جەتەتىن ەمەس. تولىق تاۋەلدى بولىپ وتىرىپ سانكتسيا ءبىزدىڭ نە تەڭىمىز؟ دوللار دا، SWIFT تە سولاي.

ەندى نە قالدى؟ اسكەري وداق. ودكب اياسىندا ۋكرايناعا قارسى سوعىستا بىزگە جاقتاس دەۋى مۇمكىن دەلىك. بۇل ءتىپتى مۇمكىن ەمەس نارسە، سەبەبى ۋكراينا ەشكىمگە اگرەسسيا جاساعالى وتىرعان جوق. اگرەسسور سول رف-نىڭ ءوزى. ەندەشە ودكب جارعىسى بويىنشا ءبىزدىڭ ۋكراينادا نە جۇمىسىمىز بار؟ ءدال قاراباقتاعى سياقتى جاعداي عوي - وندا ارمەندەر بىزدەردى سول سوعىسقا تارتقىسى كەلدى، بىراق بولمادى. مىنا جاعدايدا دا بولماۋى كەرەك.

ەندى نە قالدى؟ قالايدا اەس سال دەمەسە؟ جالپى استاناداعى اۋا-رايىن سۇراپ، شالدىڭ دەنساۋلىعىن ءبىلىپ كەيىن قايتادى دا، باسقا نە بىتىرەدى؟

پىكىرلەر
رەداكتسيا تاڭداۋى