RF SIM Lavrov Qazaqstanǵa keledi dep jatyr. Ne úshin? Ony túsiný úshin onyń osynyń aldynda Qytaıǵa baryp kelgen saparyn taldap kórelik. Árıne, masshtab teń emes - Qytaı ıadrolyq qarýy bar sýperderjava qatarynda jáne BUU turaqty múshesi, al Qazaqstan... basshysy qaıta-qaıta álemdik deńgeıdegi usynystarymen jurttyń basyn qatyryp, tipti keıbireýlerdiń kekesin-mysqylyna qalyp basqalarǵa mazaq bolyp júrgenin ózi de túsinbeıtin, Ortalyq Azııadaǵy qatardaǵy memleketterdiń biri ǵana. Soǵan qaramastan keıbir nárseler oıǵa oralady.
Lavrovtyń Qytaıǵa sapary óte sátsiz aıaqtalǵan. Reseıge bola Qytaı Batys elderimen jamanattaspaıdy. Álemdik ekonomıkadaǵy úlesi 1.5 %-ti quraıtyn RF úshin bireýmen shekisip qaıtedi? Lavrovtyń Qytaımen birlesip Batysqa sankııa salsaq qaıtedi degen usynysy da ótpeı qalǵan. Salsa Qytaı ózi salady, biraq RF-men birlesip emes. Sondyqtan da ásheıinde biz de sımmetrııaly túrde sankııa salamyz dep gýildep jatatyn RF BAQ-tary únsiz qaldy, sońǵy sankııaǵa tipti jaýap qatýǵa da shamalary kelmedi.
Qytaı Reseıge bola dollardan bas tartpaıdy jáne Batystyq tólem sıstemasyn qoldana beredi (SWIFT).
Qytaı tipti RF-men qandaı da bolsyn, odaq qurýdan (onyń ishinde áskerı de) bas tartty.
Batysqa qarsy kúreste sóıtip RF japadan-jalǵyz qaldy. Qytaı senimderin aqtamady. Endi qaıtpek kerek?
Bul endi EAEO aıasynda bizderdi óz isterine aralastyrmaq pa degen oı keledi. Mysaly sizder de dollardan bas tartyńyzdar dese? Nemese SWIFT-ten bas tartyńyzdar deýi múmkin-aý?
Sankııa jóninde túsinikti boldy - biz túgili RF ózderi de sankııa salýǵa shamalary jetetin emes. Tolyq táýeldi bolyp otyryp sankııa bizdiń ne teńimiz? Dollar da, SWIFT te solaı.
Endi ne qaldy? Áskerı odaq. ODKB aıasynda Ýkraınaǵa qarsy soǵysta bizge jaqtas deýi múmkin delik. Bul tipti múmkin emes nárse, sebebi Ýkraına eshkimge agressııa jasaǵaly otyrǵan joq. Agressor sol RF-nyń ózi. Endeshe ODKB Jarǵysy boıynsha bizdiń Ýkraınada ne jumysymyz bar? Dál Qarabaqtaǵy sııaqty jaǵdaı ǵoı - onda ármender bizderdi sol soǵysqa tartqysy keldi, biraq bolmady. Myna jaǵdaıda da bolmaýy kerek.
Endi ne qaldy? Qalaıda AES sal demese? Jalpy Astanadaǵy aýa-raıyn surap, shaldyń densaýlyǵyn bilip keıin qaıtady da, basqa ne bitiredi?
