ەندى نەسيە تاريحى ناشار ازاماتتار، "قارا تىزىمگە" كىرگەنىنە قاراماستان، قايتا بانككە بارىپ قارىز راسىمدەي الادى. كرەديتتى دەر كەزىندە جابا الماعانىڭىز ءۇشىن اقتالىپ، ءوتىنىش جازىپ، قۇجات تاپسىرمايسىز، دەپ جازادى «ادىرنا» ۇلتتىق پورتالى Stan.kz. – كە سىلتەمە جاساپ.
باستىسى، نەسيە جاپقاننان كەيىن، سوڭعى ءبىر جىل ۋاقىت ىشىندە وزگە دە پروبلەمالى كرەديتىڭىز بولماۋى كەرەك. كەيبىر ەكونوميستەردىڭ ايتۋىنشا، ەكى كۇننەن كەيىن ىسكە قوسىلاتىن بۇل مەحانيزم "حالىقتى ۋاقىتشا الداپ قويۋ ءۇشىن" جاسالىپ وتىر. بۇل تۋرالى Stan.kz اقپارات اگەنتتىگى 31 ارنانىڭ
">
"ينفورمبيۋرو" باعدارلاماسىنا سىلتەمە جاساپ حابارلايدى.
ءۇش بانكتەن نەسيە العان ەسماعۇل سەيىتقاليۇلى سوڭعى ەكى جىل كرەديتىن تولەپ جۇرگەن جوق. ويتكەنى، جۇبايىنىڭ دا، ءوزىنىڭ دە دەنساۋلىعى سىر بەرىپ، تۇراقتى جۇمىسىنان ايىرىلىپ قالعان. قازىر قۇرىلىستا زاڭدى تۇردە جۇمىس ىستەپ، ناپاقاسىن تاۋىپ جۇرگەن ازامات، قارىزىنىڭ بارلىعىن ءبىر بانك ارقىلى قايتا قارجىلاندىرا الماي جۇرگەنىن ايتادى.
"نەسيە بەرسە الىپ، جاۋىپ تاستار ەدىم، مىنانىڭ ءبارىن. سوسىن ءبىر بانككە تولەپ وتىرايىن دەپ ەدىم. بىرەۋىنە", - دەدى الماتى قالاسىنىڭ تۇرعىنى ەسماعۇل سەيىتقاليۇلى.
ەسماعۇل جانەسىموۆتىڭ ايتۋىنشا، بانكتەر ونى "قارا تىزىمدە" تۇرسىڭ دەپ كەرى قايتارادى.
ەندى مۇنداي ازاماتتاردىڭ قايتا نەسيە راسىمدەۋى ءۇشىن قايتكەن كۇندە دە كرەديتىن جاۋىپ، تۋرا ءبىر جىل ىشىندە بانكتە وزگە دە پروبلەمالى بەرەشەگى بولماۋى كەرەك. سول كەزدە عانا ءبىرىنشى كرەديتتىك بيۋرو بورىشكەردىڭ نەسيە تاريحى "وڭالتىلدى" ياعني، قالپىنا كەلتىرىلدى دەگەن مارتەبەنى بازاعا ەنگىزەدى. بۇل ستاتۋس ءبولىپ تولەۋگە كەلىسكەن "قارا تىزىمدەگىلەرگە دە" بەرىلەدى، دەيدى ماماندار.
"ەگەر قارىز الۋشىنىڭ بەرەشەگى تولىق ەمەس، ءىشىنارا وتەلگەن بولسا، بانكتەر بۇل قارىز الۋشىمەن ىڭعايلى كەستەسىمەن بىرگە وڭالتۋ جوسپارىن جاسايدى. سوعان سايكەس قارىز الۋشىنىڭ وڭالتۋ جوسپارىن ورىنداعانى جانە سوڭعى 12 ايدا باسقا مەرىزىمى وتكەن بەرەشەگى بولماعان جاعدايدا "وڭالتىلدى" دەگەن مارتەبەنى الادى", - دەدى قر قارجى نارىعىن رەتتەۋ جانە دامىتۋ اگەنتتىگىنىڭ دەپارتامەنت ديرەكتورىنىڭ ورىنباسارى ەرلان سەيىلوۆ.
ەكونوميست مەرۋەرت ماحمۇتوۆانىڭ ايتۋىنشا، بۇل - قارىزعا بەلشەدەن باتقان بۇقارانى جۇباتۋدىڭ ەڭ ءتيىمدى ءتاسىلى. ءبىر جاعىنان وسى مەحانيزم ارقىلى بورىشكەرلەردەن بانكتەر قاراجات جيناپ، اينالىمىن ارتتىرعىسى كەلەتىنىن ايتادى. بىراق، ەكونوميست اس-اۋقاتتىڭ ءوزىن بانك كارتاسى ارقىلى ءبولىپ تولەپ جۇرگەن جۇرتتىڭ جاپپاي نەسيەسىن قايتاراتىنا كۇمانمەن قارايدى.
"ازاماتتار ابدەن قارىزعا باتىپ تولەي الماي جاتقاندا، ول كوشەگە شىعادى. سوندىقتان بيلىك ونداي ءبىر شەشىمدى امالسىزدان قابىلداپ وتىر. بانكتەردىڭ ساياساتى نە دە بولسا ءوزىمىزدىڭ پايدامىزدى ۇلعايتۋ دەگەندەي", - دەدى مەرۋەرت ماحمۇتوۆا.
"وڭالتىلدى" دەگەن مارتەبە بانك الدىنداعى قارىزىن بۇعان دەيىن وتەپ قويعان، بىراق "قارا تىزىمدە" تۇرعان ازاماتتارعا دا تىكەلەي قاتىستى. ەندى ولار 12 اي بويى پروبلەمالى نەسيەگە ۇرىنباسا، قايتا كرەديت راسىمدەي بەرسە بولادى. ايتا كەتەيىك، بۇل مۇمكىندىك تەك قانا "تۇتىنۋشىلىق نەسيە" العاندارعا بەرىلەدى ەكەن.
Басқалармен бөлісе отырыңыз
