الماتىدا «مەدەۋ» بيىك تاۋلى مۇز ايدىنىنىڭ الاڭىندا رەسپۋبليكا كۇنىنە وراي قازاقستان رەسپۋبليكاسىنىڭ مەملەكەتتىك تۋىن كوتەرۋ سالتاناتتى ءراسىمى ءوتتى.
ءىس-شاراعا قالا اكىمى دارحان ساتىبالدى، قوعام جانە مادەنيەت قايراتكەرلەرى، قازاقستان حالىق كەڭەسى مەن قوعامدىق كەڭەس مۇشەلەرى، ۇكىمەتتىك ەمەس جانە جاستار ۇيىمدارىنىڭ وكىلدەرى، تانىمال سپورتشىلار، سونداي-اق قالا تۇرعىندارى مەن قوناقتارى قاتىستى. سالتاناتتى راسىمگە بارلىعى 1 500-دەن استام ادام جينالدى.
مەملەكەتتىك تۋدى كوتەرۋ ءراسىمى اسكەري ۇرمەلى اسپاپتار وركەسترىنىڭ سۇيەمەلدەۋىمەن قازاقستان رەسپۋبليكاسىنىڭ مەملەكەتتىك ءانۇرانىن ورىنداۋمەن جالعاستى. تۋ تۇعىرىنىڭ بيىكتىگى – 40 مەتر، ال تۋدىڭ ولشەمى – 7ح14 مەتر.
رەسپۋبليكا كۇنى قارساڭىندا الماتى اكىمى دارحان ساتىبالدى قازاقستان پرەزيدەنتى قاسىم-جومارت توقاەۆتىڭ اتىنان مەملەكەتتىك ناگرادالاردى تابىستادى. ماراپاتتالعانداردىڭ قاتارىندا ەلىمىزدىڭ الەۋمەتتىك-ەكونوميكالىق جانە مادەني دامۋىنا زور ۇلەس قوسقان الماتىلىقتار بار.
سونىمەن قاتار رەسپۋبليكا سارايىندا رەسپۋبليكا كۇنىنە ارنالعان مەرەكەلىك كونتسەرت ءوتتى.
