ۋكراينا پرەزيدەنتىنىڭ كەڭسەسى باسشىسىنىڭ ورىنباسارى رومان ماشوۆەتس كەشە كانادانىڭ ەلشىسىمەن كەزدەسىپ، دونباسس پەن قىرىم ءۇشىن شىعىس ۋكرايناداعى سوعىسقا ناتو ەلدەرىنىڭ قاتىسۋى بويىنشا تالقىلاۋ جاسادى. وسىعان بايلانىستى ناتو ەلدەرى ەۋروپاداعى اسكەري-تەحنيكالىق كۇشتەرىن ۋكراينانىڭ شىعىسىنا جىلجىتىپ جاتىر.
بۇل اقپارات ۋكراينا پرەزديەنتىنىڭ رەسمي سايتىندا جاريالاندى. اقش باستاعان ناتو ەلدەرى كوپ ۇزاماي ۋكراينانىڭ شىعىس تەرريتورياسىندا اسكەري-سوعىس جاتتىعۋلارىن وتكىزەتىن بولدى. بۇل جاتتىعۋعا قۇرلىق جانە تەڭىز اسكەرلەرى دە قاتىسپاق. رەسەيدىڭ ۋكرايناعا قارسى اگرەسسورلىق ارەكەتى وسى جولى ۋكراينانىڭ تولىق تاۋەلسىزدىگىمەن اياقتالۋى مۇمكىن دەپ وتىر رومان ماشوۆەتس. بۇل شەشۋشى ءسات بولۋى دا مۇمكىن دەگەن ءسوز.
2020 جىلدان بەرى ۋكراينانىڭ شىعىس تەرريتورياسىندا كيكىلجىڭ ۋشىعىپ كەتكەن. ۋكراينانىڭ شەكاراسىن قورعاۋشى كۇشتەر زارداپ شەگۋمەن كەلەدى. كانادا ەلشىسىنىڭ سوزىنە قاراعاندا، سولتۇستىك اتلانتيكا اسكەري بلوگى بۇل پروتسەسكە ساقاداي ساي وتىر. بۇل ارەكەتتى باقىلاپ وتىرعان رەسەي تاراپى دا ۋكراينانىڭ شىعىس تەرريتورياسىنا ءوزىنىڭ سوعىس تەحنيكالارىن ءۇيىپ-توگىپ اپارىپ جاتىر.
قىرىم مەن دونباسس ءۇشىن رەسەي مەن ۋكراينانىڭ اراسى قاتتى ۋشىعىپ جاتىر. بۇل پروتسەسس 2014 جىلى قىرىمدى ۋكراينادان تارتىپ الۋمەن باستالعان بولاتىن.
ءدال قازىر ۋكراينادا دونەتسك پەن لۋگانسك وبلىستارى وزدەرىنىڭ رەسەيدەن تاۋەلسىزدىگىن جاريالاپ، سوڭىن ايقاي-شۋعا ۇلاستىرىپ جاتىر. وسىدان ءبىراز ۋاقىت بۇرىن عانا قۇرىلعان «باتىس-2021» سولتۇستىك اتلانتيكا اسكەري بلوگىنىڭ جوسپارى وسى جولى ىسكە اسۋى مۇمكىن. كوپ ۇزاماي ۋكراينا الداعى 4-5 جىلدىڭ ىشىندە ناتو-نىڭ قۇرامىنا كىرۋى مۇمكىن دەگەن بولجامدار ايتىلىپ جاتىر.
بەكبولات قارجان،
"ادىرنا" ۇلتتىق پورتالى
