Ýkraına prezıdentiniń keńsesi basshysynyń orynbasary Roman Mashove keshe Kanadanyń elshisimen kezdesip, Donbass pen Qyrym úshin Shyǵys Ýkraınadaǵy soǵysqa NATO elderiniń qatysýy boıynsha talqylaý jasady. Osyǵan baılanysty NATO elderi Eýropadaǵy áskerı-tehnıkalyq kúshterin Ýkraınanyń shyǵysyna jyljytyp jatyr.
Bul aqparat Ýkraına prezdıentiniń resmı saıtynda jarııalandy. AQSh bastaǵan NATO elderi kóp uzamaı Ýkraınanyń shyǵys terrıtorııasynda áskerı-soǵys jattyǵýlaryn ótkizetin boldy. Bul jattyǵýǵa qurlyq jáne teńiz áskerleri de qatyspaq. Reseıdiń Ýkraınaǵa qarsy agressorlyq áreketi osy joly Ýkraınanyń tolyq táýelsizdigimen aıaqtalýy múmkin dep otyr Roman Mashove. Bul sheshýshi sát bolýy da múmkin degen sóz.
2020 jyldan beri Ýkraınanyń shyǵys terrıtorııasynda kıkiljiń ýshyǵyp ketken. Ýkraınanyń shekarasyn qorǵaýshy kúshter zardap shegýmen keledi. Kanada elshisiniń sózine qaraǵanda, Soltústik Atlantıka áskerı blogy bul proeske saqadaı saı otyr. Bul áreketti baqylap otyrǵan Reseı tarapy da Ýkraınanyń shyǵys terrıtorııasyna óziniń soǵys tehnıkalaryn úıip-tógip aparyp jatyr.
Qyrym men Donbass úshin Reseı men Ýkraınanyń arasy qatty ýshyǵyp jatyr. Bul proess 2014 jyly Qyrymdy Ýkraınadan tartyp alýmen bastalǵan bolatyn.
Dál qazir Ýkraınada Donek pen Lýgansk oblystary ózderiniń Reseıden táýelsizdigin jarııalap, sońyn aıqaı-shýǵa ulastyryp jatyr. Osydan biraz ýaqyt buryn ǵana qurylǵan «Batys-2021» Soltústik Atlantıka áskerı blogynyń jospary osy joly iske asýy múmkin. Kóp uzamaı Ýkraına aldaǵy 4-5 jyldyń ishinde NATO-nyń quramyna kirýi múmkin degen boljamdar aıtylyp jatyr.
Bekbolat QARJAN,
"Adyrna" ulttyq portaly
