رەسەيدىڭ تيۋمەن وبلىسىندا شىققان ورتتەن قازاقستاننىڭ ءۇش ايماعى - پاۆلودار، سولتۇستىك قازاقستان جانە اقمولا وبلىستارى تۇتىنگە وراندى، دەپ حابارلايدى "ادىرنا" ۇلتتىق پورتالى.
"قارا ءتۇتىن پاۆلودار وبلىسىنىڭ اۋماعىندا پاۆلودار، ەكىباستۇز، اقسۋ قالالارىندا جانە باياناۋىل، اقتوعاي، جەلەزينكا اۋداندارىندا، سونداي-اق ەكى شەكارالاس وبلىستاردا (سقو جانە اقمولا) بايقالادى. (...) ءتۇتىننىڭ پايدا بولۋىنا رەسەي فەدەراتسياسىنىڭ تيۋمەن وبلىسىندا 48 مىڭ گەكتار القاپتى جالماعان ورمان ءورتى سەبەپ بولدى", دەپ جازدى پاۆلودار وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
Pavon.kz حابارلاعانداي، قالا تۇرعىندارى تۇتىنگە ورانعان ايماقتى الەۋمەتتىك جەلىلەردە جاريالاپ، 112 نومىرىنە حابارلاسىپ بايانداعان. كەشكە 20-عا جۋىق قوڭىراۋ ءتۇستى.
پوسموترەت ەتۋ پۋبليكاتسيۋ ۆ Instagram
پاۆلودار وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى، ايماقتاعى ورماندى دالا القاپتارىندا ءورتتىڭ تىركەلمەگەنىن، وندىرىستىك نىساندارداعى توتەنشە جاعدايلاردىڭ جوقتىعىن مالىمدەدى. ال قازگيدرومەتتىڭ حابارلاۋىنشا، جەل سولتۇستىك-باتىستان سوعىپ تۇر.
رەسەي فەدەراتسياسىنىڭ تيۋمەن وبلىسىندا ءورت بىرنەشە اپتادان بەرى جالعاسىپ كەلەدى.
"ادىرنا" ۇلتتىق پورتالى
