سانكت-پەتەربۋرگكە كوشىپ بارعان 27 جاستاعى پەتروپاۆلدىق قىزدى ءولتىردى دەگەن كۇدىكپەن قىرعىزستان ازاماتى ۇستالدى. بۇل تۋرالى Fontanka.ru. جاريالادى، دەپ حابارلايدى “ادىرنا” ۇلتتىق پورتالى.
ەر ادام قىزدىڭ 23 قاراشادا ستۋدەنچەسكايا كوشەسىندەگى پاتەرىنە جوندەۋ جۇمىستارىن تەكسەرۋ ءۇشىن كەتىپ، كەيىن بايلانىسقا شىقپاي كەتكەنىن ايتقان. 25 قاراشادا پاتەردىڭ بۇرىشىنان قۇرىلىس ماتەريالدارىنىڭ قالدىقتارى سالىنعان قاپتاردىڭ اراسىنان پوليەتيلەن پاكەتىنە ورالعان ءۇي يەسىنىڭ ءمايىتى تابىلعان.
قىزدىڭ دەنەسىنەن پىشاق جاراقاتى، تۇنشىقتىرۋ ىزدەرى تابىلدى.
رف قك 105-بابى 1-بولىگى (ادام ءولتىرۋ) بويىنشا قىلمىستىق ءىس قوزعالدى.
پاتەردە جوندەۋ جۇمىستارىن جۇرگىزگەن 41 جاستاعى قىرعىزستان ازاماتى كۇدىككە ءىلىندى. كۇندىز ول پەتەربۋرگتەن اۆتوبۋسپەن كەتىپ قالعانى انىقتالدى.
ميگرانت 2 كۇن ىزدەستىرىلدى. ونى 27 قاراشادا رەسەي ءىىم سانكت-پەتەربۋرگ جانە لەنينگراد وبلىسى بويىنشا باس باسقارماسى قىزمەتكەرلەرى ماسكەۋ داڭعىلى، 36 مەكەنجايىنداعى جاتاقحانادان شىعىپ كەلە جاتقاندا ۇستاعان.
