مەملەكەتتىك دۋمانىڭ قىرىم وبلىسىنان سايلانعان دەپۋتاتى ميحايل شەرەمەت كسرو تۋىن رەسەيدىڭ جاڭا مەملەكەتتىك تۋى دەپ تانۋدى ۇسىندى، دەپ حابارلايدى “ادىرنا” ۇلتتىق پورتالى.
ول بۇگىندە باتىستىڭ ءىس جۇزىندە كسرو تۋىنا سوعىس جاريالاپ، وعان تىيىم سالعانىن اتاپ ءوتتى.
«ولار بۇل نىشاننان قورقادى، ويتكەنى جەڭىستىڭ قىزىل تۋى ولارعا حالقىمىزدىڭ ۇلىلىعىن جانە ءبىزدىڭ ۇلى جەڭىسىمىزدى ەسكە سالادى»، - دەپ كەلتىرەدى ريا نوۆوستي شەرەمەتتىڭ ءسوزىن.
ونىڭ ايتۋىنشا، ۇلى وتان سوعىسىندا وسى تۋدىڭ استىندا وتانداستار شايقاستى، قازىر رەسەي قارۋلى كۇشتەرى ۋكراينادا نەوناتسيستەرگە قارسى سوعىسۋدا. شەرەمەت رەسەي تۋىن ماقتان تۇتاتىنىن، بىراق رەسەيدىڭ قازىرگى كەزەڭىندە جەڭىس تۋى قايتا جاڭعىرعان دەرجاۆانىڭ سيمۆولى رەتىندە بۇرىنعىدان دا وزەكتى ەكەنىن ايتتى.
بۇعان دەيىن كوممۋنيستىك پارتيا رەسەي تۋىن كسرو رامىزىمەن اۋىستىرۋدى ۇسىنعان بولاتىن. ولاردىڭ پىكىرىنشە، بۇل رەسەيگە ونىڭ اۋماعىندا كەڭەس وداعىنىڭ مۇراگەرلىگى ءپرينتسيپىن قامتاماسىز ەتۋ ءۇشىن قاجەت. قۇجاتقا سايكەس، اتالعان زاڭنىڭ قابىلدانۋىنىڭ ارقاسىندا قالىپتاسقان تاريحي ولقىلىق پەن زاڭنامانى ەكىۇشتى ءتۇسىندىرۋ ارەكەتتەرىن جويۋعا بولادى.
“ادىرنا” ۇلتتىق پورتالى
