ۆيرۋستى جۇقتىرۋ قاۋپىنە قاراماستان كاسىبي مىندەتىن تاباندىلىقپەن اتقارعان دارىگەر

4994
Adyrna.kz Telegram

ەمحانا مىندەتى – ساپالى دا ءتيىمدى مەديتسينالىق كومەك كورسەتۋ ارقىلى ەمدەلۋشىلەردىڭ سەنىمىنە يە بولۋ. ال، دارىگەردىڭ كاسىپتىك قىزمەتىنىڭ باستى ماقساتى ۋرگەنتتىك، جوسپارلى جانە پرەۆەنتيۆتى مەديتسينالىق كومەك كورسەتۋ ارقىلى ادام ءومىرىن ساقتاۋ جانە ونىڭ ساپاسىن جاقسارتۋ.

بۇگىندە قالا تۇرعىندارىنىڭ سەنىمىنەن شىعىپ، كاسىبي دارىگەر ەكەنىن دالەلدەگەن ماماننىڭ ءبىرى - كارىمساكوۆا مەرۋەرت ويدۋللاەۆنا. ول دەنساۋلىق ساقتاۋ سالاسىندا 33 جىلدان بەرى جۇمىس ىستەپ كەلەدى. بىلىكتى دارىگەر قازىرگى تاڭدا №4 قالالىق ەمحانادا ينفەكتسيونيست دارىگەرى بولىپ جۇمىس اتقارادى.

جاس ەرەكشەلىگىنە قاراماستان حالىققا بارىنشا ادال قىزمەت ەتىپ، جاس-كارىگە كەڭەس بەرۋدەن جالىقپاعان. ينفەكتسيونيست دارىگەر ۆيرۋستى جۇقتىرۋ قاۋپىنە قاراماستان، ءوز قىزمەتىن تاستاماي، كاسىبي مىندەتىن تاباندىلىقپەن اتقارىپ كەلەدى. ەمحانادا كۇنىنە 15, ال ايىنا 350-گە جۋىق حالىققا ساپالى مەديتسينالىق كومەك كورسەتەدى.
ەلىمىزدە قاۋىپتى ىندەت تارالعاندا ناعىز باتىرلار ءبىزدىڭ ارامىزداعى دارىگەرلەر، مەدبيكەلەر مەن باسقا دا مەديتسينا قىزمەتكەرلەرى ەكەنىنە كوز جەتكىزدىك. وسى قيىن ۋاقىتتا ولاردىڭ دەرتكە قارسى كۇرەستەگى زور ۇلەسى مەن ەڭبەگىن باعالاعانىمىز ءجون.

شىمكەنت قالاسى اكىمدىگىنىڭ ءباسپاسوز قىزمەتى

 

 

پىكىرلەر