شىمكەنتتە مەديتسينا ماماندارى ەندى دەمالىسسىز ينفەكتسياعا قارسى ۆاكتسيناتسيالاۋ جۇمىستارىن جۇرگىزەدى.
وتكەن سەنبى، جەكسەنبى كۇندەرى باستاپقى سانيتاريالىق مەديتسينالىق كومەك كورسەتۋ ۇيىمدارىنداعى ماماندار ءوز ەركىمەن كەلىسىم بەرگەن ازاماتتارعا كوۆيدكە قارسى ەكپە سالدى.
ايتا كەتەيىك، بۇگىنگە دەيىن 7181 ازاماتقا كوۆيدكە قارسى ۆاكتسينا سالىنعان. ەكپە العانداردىڭ 70 پايىزدان استامى مەديتسينا ماماندارى. قالعانى مۇعالىمدەر مەن قۇقىق قورعاۋ ورگاندارىنىڭ قىزمەتكەرلەرى. ەسكە سالا وتسەك، ەكپە سالۋ ءتۇرلى سانات بويىنشا كەزەگىمەن جۇرگىزىلۋدە.
ينفەكتسياعا قارسى ۆاكتسيناتسيالاۋ جۇمىستارى قالاداعى 26 ەمدەۋ مەكەمەسىندە جۇرگىزىلۋدە. بۇعان قوسا قوسىمشا 10 باستاپقى مەديتسينالىق-سانيتاريالىق العاشقى كومەك ۇيىمدارىندا ۆاكتسيناتسيا جاساۋ ءۇشىن ارنايى كابينەتتەر دايىندالدى.
سانيتارلىق-ەپيدەميولوگيالىق باقىلاۋ دەپارتامەنتى دەنساۋلىق ساقتاۋ باسقارماسىمەن بىرلەسىپ ۆاكتسينالاۋ بويىنشا 450 مەديتسينا قىزمەتكەرى ءۇشىن ارنايى ترەنينگ، سەمينارلار وتكىزىلدى.
بۇگىنگى تاڭدا ۆاكتسينا سالدىرۋ – كوروناۆيرۋس اۋرۋىنىڭ تارالۋىن بولدىرماۋدىڭ بىردەن ءبىر جولى بولىپ وتىر. ۆاكتسينا تەگىن جانە ەرىكتى تۇردە سالىنادى.
شىمكەنت قالاسى اكىمدىگىنىڭ ءباسپاسوز قىزمەتى
