ەڭبەكشى اۋدانىندا سەنبىلىك كەزىندە 5 مىڭ تەكشە مەترگە جۋىق قوقىس شىعارىلدى

3877
Adyrna.kz Telegram

شىمكەنتتە جىل سايىن كوكتەم مەزگىلى كەلگەندە ادەتتەگىدەي اينالانىڭ تازالىعى، ارىق كوزدەرىن اشۋ، اعاش وتىرعىزۋ، اعاشتاردى بۇتاپ، ءتۇبىن اكتەۋ ۇردىسكە اينالعان. وسى ورايدا، بۇگىن ەڭبەكشى اۋدانىندا جاپپاي سەنبىلىك ءوتتى.

تاازالىق شاراسىنا جالپى 8 مىڭعا جۋىق اۋدان تۇرعىندارى مەن اكىمدىك قىزمەتكەرلەرى شىقتى. ولارمەن كوپقاباتتى ءۇي اۋلاسى مەن ىشكى ورام كوشە بويلارىنداعى جاسىل ايماق، جاياۋ جۇرگىنشىلەر جولى قوقىستان تازارتىلدى. سونداي-اق كوپقاباتتى ءۇي اۋلاسى مەن ىشكى ورام كوشەلەرىنىڭ بويلارىنا 3500 ءتۇپ اعاش كوشەتى وتىرعىزىلدى.

بۇل كۇنى جالپى 32 كوشە، 4200 مەتر اياقجولدار مەن 17,4 شاقىرىم يرريگاتسيا جانە ارىق جۇيەلەرى تازالانىپ، 5 مىڭ تەكشە مەترگە جۋىق كۇل-قوقىس شىعارىلدى. جۇمىسقا بارلىعى 22 تەحنيكا جۇمىلدىرىلدى.

شىمكەنت قالاسى اكىمدىگىنىڭ ءباسپاسوز قىزمەتى

 

 

پىكىرلەر