شىمكەنت قالاسى اكىمىنىڭ وكىمىمەن قالالىق تۇرعىن ءۇي باسقارماسىنىڭ باسشىسى بولىپ ازامات رىسجانوۆ تاعايىندالدى. قالا اكىمى اپپاراتىنىڭ باسشىسى ع.ماۋلەنقۇلوۆ باسقارما باسشىسىن ۇجىمعا تانىستىرىپ، قىزمەتىنە ساتتىلىك تىلەدى.
ازامات جاقىپبەكۇلى 1988 جىلى وڭتۇستىك قازاقستان وبلىسىندا دۇنيەگە كەلگەن. ءبىلىمى - جوعارى، قۇقىق ماگيسترى. ە.بۋكەتوۆ اتىنداعى قارمۋ جانە اقش-تاعى پەنسيلۆانيا ۋنيۆەرسيتەتىندە وقىعان.
العاشقى ەڭبەك جولى قر ادىلەت مينيسترلىگىندەگى باسقارمالاردا ساراپشى بولۋدان باستالعان. كەيىننەن باس ساراپشىسى، باسقارما باسشىسى، ديرەكتور ورىنباسارى، ءمينيستردىڭ كەڭەسشىسى، شىمكەنت قالاسى بويىنشا ادىلەت دەپارتامەنتى باسشىسىنىڭ ورىنباسارى قىزمەتتەرىن اتقارعان.
سونىمەن قاتار، قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ كونسۋلتانتى، باس ساراپشىسى بولعان.
2020 جىلدان بۇگىنگە دەيىن قر ءبىلىم جانە عىلىم مينيسترلىگىنىڭ عىلىم كوميتەتى توراعاسىنىڭ ورىنباسارى لاۋازىمىندا قىزمەت ەتىپ كەلگەن.
شىمكەنت قالاسى اكىمدىگىنىڭ ءباسپاسوز قىزمەتى
