№1 قالالىق ەمحانادا ءوزىنىڭ ماماندىعىنا ناعىز بەرىلگەن دارىگەر جۇمىس جاسايدى. بۋبايشا يۋنۋسوۆا بۇگىندە ادام دەنساۋلىعىنىڭ جارشىسى قىزمەتىن ابىرويمەن اتقارىپ جۇرگەن قاتارداعى قىزمەتكەر.
ول تاشكەنتتەگى ورتا ازيالىق مەديتسينالىق پەدياتريالىق ينستيتۋتتا ءبىلىم العان. كەيىننەن يانگيۋل قالاسىنداعى كوسالالى بالالار اۋرۋحاناسىندا ينتەرناتۋرانى اياقتاعان.
شىمكەنت قالاسىنا 2004 جىلى كەلگەن. سودان قالاداعى №1 قالالىق ەمحانادا بالالار دارىگەرى بولىپ جۇمىس جاساعان. بۇل باعىتتا 14 جىل ۇزدىكسىز قىزمەت ەتىپ، 2019 جىلى قايتا دايارلىقتان وتكەننەن كەيىن جالپى تاجىريبەلى دارىگەر بولدى.
- پەدياتر نەمەسە جالپى تاجىريبەلى دارىگەر بولۋ – العاشقى مەديتسينالىق كومەك كورسەتەتىن ماماندار. الدىن الۋ، اۋرۋدىڭ بەلگىسىن انىقتاۋ، سالا ماماندارىنا باعىتتاۋ سەكىلدى جۇمىستاردى اتقارامىز. ءوزىمنىڭ اۋماعىمداعى ناۋقاستارعا ءتىپتى تۇندە دە مەديتسينالىق كەڭەس بەرىپ، ۇيىنە بارۋىما تۋرا كەلەتىن كەزدەر بولادى، - دەيدى اق حالاتتى.
بۋبايشا تاجىكۇلقىزى - جۇمىسىنا وتە ۇقىپتى، ادال، ءار ناۋقاسقا بار نيەتىمەن قامقورلىق تانىتىپ جۇرەدى. ارىپتەستەرى ونىڭ ارقاشان كومەك قولىن سوزىپ جۇرەتىن مىنەزى مەن بىلىكتىلىگىن جوعارى باعالايدى.
وتىز جىلدىق مەديتسينالىق تاجىريبەسىندە ءتۇرلى ماراپاتتاۋلارعا دا يە بولعان.
شىمكەنت قالاسى اكىمدىگىنىڭ ءباسپاسوز قىزمەتى
