2021 جىلعى 1 قاڭتارداعى جاعداي بويىنشا وزبەكستاننىڭ مەملەكەتتىك قارىزى 23,3 ملرد دوللاردى قۇرايدى. رەسپۋبليكانىڭ قارجى مينيسترلىگىنىڭ مالىمەتىنشە، بۇل – ەلدىڭ جالپى ىشكى ءونىمىنىڭ ء(جىو) 40,4%-ى، دەپ حابارلايدى "ادىرنا" ۇلتتىق پورتالى.
قارىزدىڭ 21,1 ملرد دوللارى – مەملەكەتتىڭ سىرتقى قارىزى. سوڭعى ەكى جىلدا ول ەكى ەسەگە ارتقان. مەملەكەتتىڭ ىشكى قارىزى – 2,2 ملرد دوللار. سوڭعى جىلدارداعى وسىمگە قاراماستان، حالىقارالىق نورمالارعا سايكەس، وزبەكستاننىڭ مەملەكەتتىك قارىزى ء(جىو-گە قاتىستى 40,4%), ونىڭ ىشىندە مەملەكەتتىك سىرتقى قارىز ء(جىو-گە قاتىستى 36,5%) ورتاشا دەڭگەيدە ساقتالدى، دەلىنگەن ەسەپتە.
رەسپۋبليكانىڭ 2021 جىلعا ارنالعان مەملەكەتتىك بيۋدجەت تۋرالى زاڭىنا سايكەس وزبەكستان اتىنان جانە ونىڭ كەپىلدىگىمەن تارتىلعان مەملەكەتتىك قارىز سوماسى ءجىو كورسەتكىشتەرىنىڭ جىلدىق بولجامدارىنا قاتىستى 60% - دان اسپاۋى كەرەك. بۇل دەڭگەي قاۋىپسىز دەپ سانالادى.
قارجى مينيسترلىگىنىڭ ماتەريالدارى بويىنشا وزبەكستان، ەڭ الدىمەن، ازيا دامۋ بانكىنە — 5 ملرد دوللار قارىز، ودان كەيىن دۇنيەجۇزىلىك بانككە 3,7 ملرد دوللار قارىزى بار. قىتاي مەملەكەتتىك دامۋ بانكى، قىتايدىڭ ەكسيمبانكى جانە جاپونيانىڭ حالىقارالىق ىنتىماقتاستىق جونىندەگى اگەنتتىگى وزبەكستانعا ارقايسىسى 2 ميلليارد دوللاردان قارىز بەرگەن.
مەملەكەتتىك سىرتقى قارىزدىڭ 17,5%-ى، ياعني 3,7 ملرد دوللار مەملەكەتتىك بيۋدجەتتى قولداۋعا جۇمسالدى. 2,9 ملرد دوللار (13,7%) ەلەكتر ەنەرگەتيكاسى سالاسىنا، 2,6 ملرد دوللار (12,4%) — ەنەرگەتيكا سالاسىنا (مۇناي جانە گاز), 2,4 ملرد دوللار — كولىك جانە ءتيىستى ينفراقۇرىلىمعا، 2,3 ملرد دوللار — تكش-عا، 2,2 ملرد دوللار اۋىل شارۋاشىلىعىنا جانە ت.ب. باعىتتالدى.
رەسپۋبليكانىڭ سىرتقى قارىزدارىنىڭ 70% -ى دوللارمەن، 11,3% -ى جاپون يەناسىمەن، 9,5% -ى SDR-مەن (ارنايى بورىشتىق قۇقىقتار), 5,1% -ى ەۋرومەن جانە 4,1% -ى باسقا ۆاليۋتالارمەن.
مەرۋەرت جاقسىلىقوۆا،
كازۇۋ-دىڭ جۋرناليستيكا فاكۋلتەتىنىڭ
4-كۋرس ستۋدەنتى
