الماتىداعى مونيتورينگ توبى 70 قوناقتىق قىز ۇزاتۋ تويىن توقتاتتى، دەپ حابارلايدى "ادىرنا" ۇلتتىق پورتالى، Tengrinews.kz-كە سىلتەمە جاساپ. بۇل تۋرالى قالا اكىمدىگىنىڭ ءباسپاسوز قىزمەتى بايانداعان ەدى.
«مونيتورينگتىك توپتار انىقتاعان ءىس-شارالار، ۇيلەنۋ تويلارى، وتباسىلىق جانە باسقا دا كوپتەگەن ادامدار قاتىساتىن مەرەكەلىك ءىس-شارالار ەدى. مىسالى، اۋەزوۆ اۋدانىندا 26 ناۋرىزدا ساعات 20.00-دە "دوستار سارايى" مەيرامحاناسىندا قىز ۇزاتۋ تويى توقتاتىلدى. اقساي-4, 15ا مەكەن-جايى بويىنشا بولىپ جاتقان تويدا، 70-تەن استام ادام بولدى. ءتيىستى شارالار قابىلداندى »، - دەلىنگەن حابارلامادا.
اكىمدىكتىڭ حابارلاۋىنشا، 21-26 ناۋرىز ارالىعىندا ينسپەكتورلار 98 تەكسەرىس اينالىمىن جاساپ ءوتىپ، 1911 نىساندى انىقتاپ، ونىڭ 300-ءى بەلگىلەنگەن ءتارتىپتى بۇزعانىن انىقتادى. 26-27 ناۋرىز ارالىعىندا تۇنگى تەكسەرىس كەزىندە 17 ءتارتىپ بۇزۋشىلىق انىقتالدى. 300 كاسىپكەرلىك سۋبەكتىسىنە 230 اەك - 875 مىڭ تەڭگە ايىپپۇل سالىنادى. كارانتيندىك شارالاردى بۇزعانى ءۇشىن تاعى 700 ادامعا ايىپپۇل سالىنادى.
الماتى قالاسى اكىمىنىڭ ورىنباسارى ەرجان باباقۇماروۆ ينفەكتسيانىڭ 42 پايىزى قوعامدىق ورىنداردا ورىن الاتىنىن ايتتى. بۇل سوسو، قوعامدىق تاماقتانۋ جانە باسقالارى.
الماتى ەپيدەميولوگيالىق احۋال تۇرعىسىنان «قىزىل» ايماقتا قالۋدى جالعاستىرۋدا. وتكەن تاۋلىكتە قالادا كوروناۆيرۋستىق ينفەكتسياعا وڭ ناتيجەلى پتسر-مەن اۋىراتىن 450 ناۋقاس انىقتالدى. 65 جاستان اسقان جانە سوزىلمالى اۋرۋلارمەن اۋىراتىن ادامدارعا ءالى دە قاۋىپ ءتونىپ تۇر. ولارعا مۇمكىندىگىنشە ۇيلەرىنەن شىقپاۋعا كەڭەس بەرىلەدى.
سونىمەن قاتار، ينفەكتسيانىڭ تارالۋى 20-29 جاستاعى ادامدار ساناتى اراسىندا تىركەلدى. تالداۋ ناتيجەسى كورسەتكەندەي، مەملەكەتتىك مەكەمەلەردەن باسقا جەكە سەكتوردا دا ادامدار سانىنىڭ كوبەيۋى بايقالادى. ينفەكتسيانىڭ تىركەلۋى وتباسىلىق ءىس-شارالاردا، ۇيلەنۋ تويلارىندا، جەرلەۋ راسىمدەرى مەن مەرەكەلىك كەشتەرىندە جالعاسۋدا.
مەرۋەرت جاقسىلىقوۆا،
كازۇۋ-دىڭ جۋرناليستيكا فاكۋلتەتىنىڭ
4-كۋرس ستۋدەنتى
