Almatydaǧy monitoring toby 70 qonaqtyq qyz ūzatu toiyn toqtatty, dep habarlaidy "Adyrna" ūlttyq portaly, Tengrinews.kz-ke sılteme jasap. Būl turaly qala äkımdıgınıŋ baspasöz qyzmetı baiandaǧan edı.
«Monitoringtık toptar anyqtaǧan ıs-şaralar, üilenu toilary, otbasylyq jäne basqa da köptegen adamdar qatysatyn merekelık ıs-şaralar edı. Mysaly, Äuezov audanynda 26 nauryzda saǧat 20.00-de "Dostar Saraiy" meiramhanasynda qyz ūzatu toiy toqtatyldy. Aqsai-4, 15A meken-jaiy boiynşa bolyp jatqan toida, 70-ten astam adam boldy. Tiıstı şaralar qabyldandy », - delıngen habarlamada.Äkımdıktıŋ habarlauynşa, 21-26 nauryz aralyǧynda inspektorlar 98 tekserıs ainalymyn jasap ötıp, 1911 nysandy anyqtap, onyŋ 300-ı belgılengen tärtıptı būzǧanyn anyqtady. 26-27 nauryz aralyǧynda tüngı tekserıs kezınde 17 tärtıp būzuşylyq anyqtaldy. 300 käsıpkerlık subektısıne 230 AEK - 875 myŋ teŋge aiyppūl salynady. Karantindık şaralardy būzǧany üşın taǧy 700 adamǧa aiyppūl salynady. Almaty qalasy äkımınıŋ orynbasary Erjan Babaqūmarov infeksiianyŋ 42 paiyzy qoǧamdyq oryndarda oryn alatynyn aitty. Būl SOSO, qoǧamdyq tamaqtanu jäne basqalary. Almaty epidemiologiialyq ahual tūrǧysynan «qyzyl» aimaqta qaludy jalǧastyruda. Ötken täulıkte qalada koronavirustyq infeksiiaǧa oŋ nätijelı PSR-men auyratyn 450 nauqas anyqtaldy. 65 jastan asqan jäne sozylmaly aurularmen auyratyn adamdarǧa älı de qauıp tönıp tūr. Olarǧa mümkındıgınşe üilerınen şyqpauǧa keŋes berıledı. Sonymen qatar, infeksiianyŋ taraluy 20-29 jastaǧy adamdar sanaty arasynda tırkeldı. Taldau nätijesı körsetkendei, memlekettık mekemelerden basqa jeke sektorda da adamdar sanynyŋ köbeiuı baiqalady. İnfeksiianyŋ tırkeluı otbasylyq ıs-şaralarda, üilenu toilarynda, jerleu räsımderı men merekelık keşterınde jalǧasuda.
Meruert JAQSYLYQOVA, KazŪU-dyŋ jurnalistika fakultetınıŋ 4-kurs studentı
Ūqsas jaŋalyqtar
