BioNTech پەن Pfizer جاساعان كوروناۆيرۋس ينفەكتسياسىنا قارسى ۆاكتسينا 5 جاستان 11 جاسقا دەيىنگى بالالار ءۇشىن قاۋىپسىز دەپ تانىلدى. بۇل تۋرالى كومپانيا ءوز سايتىندا مالىمدەدى، دەپ حابارلايدى "ادىرنا" ۇلتتىق پورتالى.
- بۇل ناتيجەنى بالالار اراسىندا پرەپاراتتىڭ كلينيكالىق سىناقتارى كورسەتتى. سىناقتارعا قاتىسقان 12 جاسقا دەيىنگى بالالارعا ءۇش اپتا ارالىقپەن ون ميكروگرامم پرەپاراتتىڭ ەكى دوزاسى بەرىلدى، – دەپ حابارلادى كومپانيا.
2020 جىلدىڭ 21 جەلتوقسانىندا ەۋروپالىق ءدارى-دارمەك اگەنتتىگى (EMA) BioNTech جانە Pfizer كونسورتسيۋمى جاساعان Comirnaty ۆاكتسيناسىن ماقۇلدادى. ءدال وسى كۇنى پرەپاراتتى ەۋروپالىق كوميسسيا ماقۇلدادى.
ايتا كەتەيىك، بۇل شاراعا 5 پەن 11 جاس ارالىعىنداعى بالالار قاتىسقان. كورسەتىلگەن جاناما اسەرلەر 16 مەن 25 جاس ارالىعىنداعىلارعا دا سالىنىپ، سالىستىرىلعان. كومپانيا زەرتتەۋدىڭ ناتيجەسى بويىنشا پرەپاراتتىڭ قاۋىپسىز ەكەنىن جاريا ەتتى. سىناق بارىسىندا بالالارعا ءدارىنىڭ ەكى كومپونەنتى ەگىلگەن ەكەن. ەكىنشى دوزا 21 كۇننەن كەيىن سالىنعان. مامانداردىڭ ايتۋىنشا، ۆاكتسينا وڭاي قابىلداندى. اعزادا اۋرۋعا قارسى انتيدەنەلەر ءبىر ايدان كەيىن پايدا بولعان. ەندى جىل سوڭىنا دەيىن پرەپارات 6 اي مەن 5 جاس ارالىعىنداعى بالالار اراسىندا سىنالماق. زەرتتەۋ ناتيجەسى جىلدىڭ سوڭىندا جاريالانادى.
"ادىرنا" ۇلتتىق پورتالى
