بۇگىندە مەكتەپ جاسىنا دەيىنگى بالالاردى بالاباقشامەن قامتۋ ءىسى كۇن تارتىبىندەگى وزەكتىلىگىن جوعالتقان ەمەس. بۇل تۇيىتكىل ءتىپتى مەملەكەت باسشىسىنىڭدا باستى نازارىندا، دەپ جازدى «ادىرنا» ءتىلشىسى.
وعان دالەل، قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى ءوزىنىڭ حالىققا جولداۋىندا ايتقان ءسوزى.
«مەكتەپكە دەيىنگى تاربيە جۇمىسى باستى نازاردا بولۋ كەرەك. الايدا بىزدە 2-دەن 6 جاسقا دەيىنگى بالالاردىڭ دارتىسىنان استامى عانا بالاباقشاعا بارادى. مۇنداي ولقىلىققا جول بەرۋگە بولمايدى. بالالاردى بالاباقشامەن قامتاماسىز ەتۋ ماسەلەسىن تۇپكىلىكتى شەشۋ قاجەت. وعان قوسا تاربيەشىلەردىڭ الەۋمەتتىك ستاتۋسىن كوتەرىپ، جالاقىسىن كوبەيتۋ كەرەك»، - دەگەن ەدى قاسىم-جومارت توقاەۆ.
بۇگىنگى كۇنى الىپ قالا الماتىدا بۇل ماسەلە كەزەڭ-كەزەڭىمەن شەشىمىن تابۋدا. بۇل تۋرالى قالا اكىمى ەربولات دوساەۆ المالى اۋدانىنىڭ تۇرعىندارمەن كەزدەسۋ بارىسىندا ايتىپ بەردى.
قالا باسشىسىنىڭ سوزىنە سەنسەك، الداعى تاڭدا المالى اۋدانىندا 5 جەكەمەنشىك بالاباقشا اشىلدى.
«بالالاردى مەكتەپكە دەيىنگى بىلىممەن بارىنشا قامتۋ ءۇشىن بيىل المالى اۋدانى بويىنشا 225 ورىندىق 5 جەكەمەنشىك بالاباقشا اشىلدى. № 7 بالاباقشانى سەيسميكالىق كۇشەيتۋ جۇمىستارى اياقتالدى. جوبالىق قۋاتتى 75 ورىنعا ۇلعايتا وتىرىپ، №43 بالاباقشا عيماراتىنىڭ بۇرىن جەكە مەنشىكتە بولعان بولىگى ساتىپ الىندى»، – دەدى ەربولات دوساەۆ.
قالا اكىمىنىڭ ايتۋىنشا 2023 جىلدىڭ II-توقسانىندا كۇردەلى جوندەۋ بويىنشا جوبالاۋ-سمەتالىق قۇجاتتاما ازىرلەۋدى باستاۋ جوسپارلانعان.
«وسى جىلدىڭ سوڭىنا دەيىن ماۋلەنوۆ-ايتەكە بي كوشەلەرىنىڭ قيىلىسىندا بۇرىن جالعا بەرىلگەن بالاباقشا عيماراتىن كۇردەلى جوندەۋدەن وتكىزىپ، سەيسميكالىق كۇشەيتۋ ءۇشىن جوبالاۋ-سمەتالىق قۇجاتتاما ازىرلەنەدى. 2023 جىلدىڭ 3-توقسانىندا قۇرىلىس-مونتاجداۋ جۇمىستارى جۇرگىزىلەدى»، – دەدى الماتى قالاسىنىڭ اكىمى.