ء«ديماشالي» شىعارماشىلىق ورتالىعى قانات ايتباەۆتىڭ «استانا – تاشكەنت» انىنە بەينەبايان ۇسىندى، دەپ حابارلايدى "ادىرنا" ۇلتتىق پورتالى.
شىعارمادا قازاقستان مەن وزبەكستاننىڭ مۋزىكالىق جانە بي داستۇرلەرى توعىسقان. قانات ايتباەۆتىڭ ايتۋىنشا، ءاننىڭ يدەياسى وزبەكستانعا جاساعان شىعارماشىلىق ساپارى كەزىندە تۋعان. سول جولى وزبەك اعايىندار قازاقستاندىق دەلەگاتسيانى ەرەكشە ىقىلاسپەن قارسى الىپ، قوناقجايلىق تانىتقان. وزبەك حالقىنىڭ كەڭ پەيىلى مەن شىنايى دوستىعى ءاننىڭ دۇنيەگە كەلۋىنە شابىت بەرگەن.
ءاننىڭ ءسوزىن اقىن قۋات بوراش جازعان. شىعارمادا قازاقستان مەن وزبەكستان قالالارىنىڭ كوركى، مادەني بايلىعى مەن عاسىرلار بويى قالىپتاسقان داستۇرلەرى كورىنىس تاپقان. اندە ۇلتتىق اسپاپتاردىڭ ۇنقاتىسۋىنا ەرەكشە ءمان بەرىلگەن. دومبىراشىلار تەمىرلان مەن ەرنات وزبەك مۋزىكانتى رۋستام تولەشوۆتىڭ ساز اسپابىنداعى ورىنداۋىمەن مۋزىكالىق سايىسقا تۇسەدى. بۇل كورىنىس ەكى حالىقتىڭ مۋزىكالىق ەرەكشەلىگىن تانىتىپ، ۇلتتىق اۋەندەردىڭ ءوزارا ۇيلەسىمىن كورسەتەدى.
بەينەباياننىڭ كوركەمدىك مازمۇنىن قازاقستاننىڭ «سالتانات» مەملەكەتتىك بي ءانسامبلى مەن وزبەكستاننىڭ «شاحزودا Dance» بي ۇجىمىنىڭ قويىلىمدارى تولىقتىرعان.
كومپوزيتسيانىڭ ارانجيروۆكاسىن رۋستام تولەشوۆ جاساعان. مۋزىكالىق پروديۋسەرى – قانات ايتباەۆ. بەينەبايان رەجيسسەرى – يكرومالي مۋحامەدجانوۆ.
«استانا – تاشكەنت» بەينەبايانى وزبەك حالقىنىڭ قوناقجايلىعىنا دەگەن العىس پەن ەكى ەل اراسىنداعى دوستىقتىڭ، ءوزارا قۇرمەت پەن مادەني بايلانىستىڭ مۋزىكالىق كورىنىسىنە اينالدى.
