Shymkent bike ۆەلوسيپەدتەرىن جالعا الىپ، ىڭعايلى پايدالانۋدى قامتاماسىز ەتۋ ماقساتىندا جوبا قىزمەتكەرلەرى ۆەلوبەكەتتەردى جۋدى جانە كلينينگتىك تازالاۋ جۇمىستارىن جۇرگىزدى. بارلىق 38 ۆەلوبەكەت كلينينگتىك تازارتۋدان ءوتتى.
تازارتۋ جۇمىستارى اياقتالعان سوڭ، بۇلىنگەن اقپاراتتىق جاپسىرمالار اۋىستىرىلادى.
ايتا كەتسەك، بۇگىندە Shymkent bike الەۋمەتتىك-يننوۆاتسيالىق جوباسى اياسىندا شىمكەنت قالاسىندا 160 ۆەلوسيپەدكە ارنالعان 384 تۇراق ورنى بار. 38 ۆەلوبەكەت ىسكە قوسىلعان.
جۇيەنىڭ جۇمىسى "جاسىل ەكونوميكا" ۇردىسىنە سايكەس كۇن ەنەرگياسىمەن جۇمىس ىستەيتىندىكتەن كوممۋنيكاتسيالارعا قوسىلۋدى تالاپ ەتپەيدى.
جالعا الۋ جۇيەسى قالانىڭ كولىك ينفراقۇرىلىمىنىڭ ماڭىزدى الەۋمەتتىك ەلەمەنتى بولىپ تابىلادى جانە
جىلدىق ابونەمەنتتىڭ قۇنى بار بولعانى 10 000 تەڭگەنى قۇرايدى (ايلىق ابونەمەنت – 2500 تەڭگە، 3 ايلىق ابونەمەنت – 6000 تەڭگە), بۇل رەتتە پايدالانۋشى ەرەجەنى ساقتاي وتىرىپ – ءاربىر ساپارى 30 مينۋتتان اسپايدى، جۇيەنى پايدالانۋ ءۇشىن ەشقانداي باسقا قاراجات جۇمساماۋى مۇمكىن.
جۇيەنى پايدالانۋ بەلسەندىلىگى نەگىزىنەن ءۇي-جۇمىس-ءۇي باعدارى بويىنشا جۇرەدى. قولايلى اۋا - رايى كەزىندە دەمالىس رەتىندە سەرۋەندەۋ ءۇشىن جالداۋ كورسەتكىشتەرى جوعارى بولىپ تۇر. جالداۋ تاڭعى 07:00-دەن تۇنگى 03-كە دەيىن، ياعني تاۋلىك بويىنا قولدانىلادى. ساپارلاردىڭ 85% - ى تەگىن (30 مينۋتتان اسپايدى) جانە 15% - ى اقىلى، 30 مينۋتتان اسادى.
پايدالانۋشىلار اراسىندا 64% ەرلەر جانە 36% ايەلدەر، ورتاشا جاسى — 20-45 جاس. پايدالانۋشىلاردىڭ 70% - دان استامى "Shymkent Bike" ۆەلوسيپەدتەرىن كوپشىلىك كولىك قۇرالى رەتىندە پايدالانادى.
سونىمەن قاتار، ستۋدەنتتەر، زەينەتكەرلەر جانە 3 توپتاعى مۇگەدەكتەر ءۇشىن ابونەمەنتتەردى رەسىمدەۋگە 50% جەڭىلدىك بەرىلەدى، ولار جۇيەنى پايدالانۋشىلاردىڭ 60% - ىن قۇرايدى.
كۇن سايىن ساعات 08.00-دەن 03.00-گە دەيىن تەحنيكالىق قولداۋ قىزمەتى بەكەتتەرگە تەحنيكالىق قىزمەت كورسەتۋدى، ۆەلوسيپەدتەردى سەرۆيستىك تەكسەرۋدى قامتاماسىز ەتەدى.
جوبانىڭ كوپشىلىككە قول جەتىمدىلىگىن قامتاماسىز ەتۋ ماقساتىندا "يمران" سو الدىندا ساتۋ ءبولىمى جۇمىس ىستەيدى. ساتۋ ءبولىمى دۇيسەنبىدەن سەنبىگە دەيىن ساعات 09.00-دەن 21.00-گە دەيىن جۇمىس ىستەيدى.
ابونەنتتىك تولەم:
1 ايعا ابونەمەنت-2500 تەڭگە;
3 ايعا ابونەمەنت – 6000 تەڭگە;
1 جىلعا ابونەمەنت-10 000 تەڭگە.
تاريفتەر:
1 ساعات – 100 تەڭگە
2 ساعات - 250 تەڭگە
3 ساعات-500 تەڭگە
3 ساعاتتان كەيىنگى ساعات 1000 تەڭگەدەن.
قوعامدىق ۆەلوسيپەدتەردى جالعا الۋ جۇيەسى اۋا رايى جاعدايىنا جانە جىل مەزگىلىنە قاراماستان ۆەلوسيپەدتەردى تاۋلىك بويى پايدالانۋعا ارنالعان، ويتكەنى تەحنيكالىق سيپاتتامالارى بويىنشا Shymkent bike اۆتوماتتاندىرىلعان ۆەلوپروكات جۇيەسىنىڭ بارلىق ەلەكتروندىق جابدىقتارى -25°C-تان +60° - قا دەيىنگى دياپازوندا جۇمىس ىستەيدى.
شىمكەنت قالاسى اكىمدىگىنىڭ ءباسپاسوز قىزمەتى
