18 ناۋرىز – «يگى ىستەر كۇنى» اياسىندا شىمكەنت قالاسىندا قر ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنىڭ قورىتىندىسى نەگىزىندە اتاۋى جوق 325 كوشەگە اتاۋ بەرىلدى.
وسىعان وراي، شىمكەنت قالاسى «بوزارىق» شاعىناۋدانىنداعى كوشەگە ۇلتىمىزدىڭ ءۇنجارياسى، 100 جىلدىق تاريحى بار قازاق راديوسىنىڭ اتاۋى بەرىلىپ، سالتاناتتى اشىلۋ ءراسىمى ءوتتى. شاراعا نۇر-سۇلتان، الماتى قالالارىنان كەلگەن قۇرمەتتى قوناقتار مەن جەرگىلىكتى زيالى قاۋىم وكىلدەرى، تۇرعىندار قاتىستى.
جيىندا ءسوز العان شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان جاڭا كوشەلەرگە اتاۋ بەرۋ بارىسىندا ۇلتتىق قۇندىلىقتارىمىزعا باسىمدىق بەرىلىپ وتىرعانىن اتاپ ءوتتى.
– 14-24 ناۋرىز ارالىعىندا «ناۋرىز شىمكەنتتە باستالادى» دەگەن ىزگى باستامامەن قالامىزدا ۇلكەن ءىس-شارالار ءوتىپ جاتىر. كۇنى كەشە «قاراتاۋ» ءداستۇرلى ونەر مەكتەبى اشىلدى. بولاشاقتا سول مەكتەپتىڭ تۇلەكتەرىنىڭ داۋسىن قازاق راديوسىنان ەستيمىز دەپ ويلايمىز. ناۋرىز تويىنىڭ اياسىندا شىمكەنتتەگى 325 كوشەگە اتاۋ بەرىلدى. شىمكەنت قالاسىنىڭ اكىمى مۇرات ايتەنوۆتىڭ ۇسىنىسىمەن، قالالىق ءماسليحاتتىڭ حاتشىسى باحادىر نارىمبەتوۆتىڭ ۇيىتقى بولۋىمەن كۇنى بۇگىنگى ءماسليحات وتىرىسىندا قازاق رادوسى كوشەسى رەسمي بەكىتىلدى. شاھار وسى جاققا قاراي قۇلاشىن جايىپ كەلەدى. شىمكەنتتىڭ دامىپ كەلە جاتقان تۇرعىن الابىندا اشىلعان كوشەمىز قۇتتى بولسىن! بولاشاقتا قازاق راديوسى كوشەسى قازاق راديوسى داڭعىلىنا اينالىپ جاتسا تاڭعالماعايسىزدار! – دەدى شىڭعىس جۇمابەكۇلى.
جارتى عاسىردان استام عۇمىرىن قازاق راديوسىندا وتكىزگەن ارداگەر-ديكتور، قازاق راديوسىنىڭ ساندۋعاشى ساۋىق جاقانوۆا دا شىمكەنتتەگى قازاق راديوسى كوشەسىنىڭ اشىلۋىنا ارنايى كەلىپتى.
– ءوزىڭنىڭ شىققان بوساعاڭ، تۋعان بالاڭداي بوپ كەتكەن راديوڭدى قۇرمەتتەپ جاتسا قالاي قۋانبايسىڭ؟! قازاقتى بۇتكىل دۇنيە جۇزىنە تانىتقان، قازاقتىڭ ءانى، سازى مەن كۇيىن كورسەتكەن قازاق راديوسىن رەسپۋبليكادا ءبىرىنشى بولىپ ارداقتاپ جاتقان سىزدەرگە مىڭ دا ءبىر العىس! بۇل سىزدەردىڭ ەڭبەكتەرىڭىزگە قاراي اتاقتى داڭعىل بولاتىنىنا سەنەمىن، - دەدى س. جاقانوۆا.
قازاق راديوسىنىڭ اتاۋى بەرىلگەن كوشە 2,5 شاقىرىمعا سوزىلىپ جاتىر. وسى مەرەيلى كۇنگە وراي، بۇگىن كەشكە ساعات 18:00-دە شىمكەنت قالاسىنداعى قازاقستان حالقى اسسامبلەياسى عيماراتىندا قازاق راديوسىنىڭ 100 جىلدىعىنا ارنالعان ارنايى كونتسەرتتىك ءىس-شارا وتەدى.
سونداي-اق، اتالعان اۋدانداعى تاعى بىرنەشە كوشەگە رەسپۋبليكالىق بۇقارالىق اقپارات قۇرالدارىنىڭ اتاۋى بەرىلدى. ولاردىڭ قاتارىندا ەلىمىز ءۇشىن جوعارى ماڭىزدىلىققا يە باسىلىم اتاۋلارى مەن راديو، ادەبي شىعارمالار اتاۋلارى بار. ماسەلەن قاراتاۋ اۋدانى بوزارىق ساياجايىنداعى اتاۋى جوق كوشەلەرگە عاسىردان استام ءومىر ءسۇرىپ كەلە جاتقان رەسپۋبليكالىق «ەگەمەن قازاقستان» گازەتىنىڭ قۇرمەتىنە قويىلعان ەگەمەن قازاقستان، سونىمەن بىرگە انا ءتىلى، قازاق راديوسى، جاس الاش، اباي جولى، قالقامان – مامىر، اق بىلەك، قامار سۇلۋ سەكىلدى كوشە اتتارى پايدا بولدى. ودان وزگە قالامىزدىڭ تاريحىن ايشىقتايتىن، تابيعي ەرەكشەلىكتەرى مەن ولكە وزگەشەلىگىن ەسكەرىپ، تاۋ-تاس، ساي-سالا، وزەن-كولگە لايىقتى اتاۋلار دا بەرىلدى.
الداعى ۋاقىتتا قالاعا قاراستى اۋدانداردىڭ اكiمدەرi وسى بىرلەسكەن قاۋلى مەن شەشiمدi iسكە اسىرۋ جونiندە قاجەتتi شارالار قابىلداماق. ال، قالالىق مادەنيەت، تىلدەردى دامىتۋ جانە ارحيۆتەر باسقارماسى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وسى قۇجاتتى شىمكەنت قالاسىنىڭ ادىلەت دەپارتامەنتىندە مەملەكەتتىك تىركەۋدەن وتكىزەدى. بىرلەسكەن قاۋلى مەن شەشىم ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلمەك.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
