ايسۇلۋ ەستاەۆا – شىمكەنت قالاسىنىڭ قالالىق ونكولوگيالىق ورتالىعىنىڭ ونكوگينەكولوگ دارىگەرى. جاس مامان قاتەرلى ىسىككە شالدىققان ايەلدەرگە مەديتسينالىق كومەك كورسەتەدى.
جاس مامان ونكولوگيا جانە راديولوگيا ۇلتتىق زەرتتەۋ ينستيتۋتىندا «ونكولوگيا» ماماندىعى بويىنشا رەزيدەنتۋرانى بىتىرگەن سوڭ حالىققا مەديتسينالىق كومەك كورسەتۋ ءۇشىن شىمكەنت قالاسىنداعى ونكولوگيالىق ورتالىققا ارنايى جىبەرىلگەن.
وتكەن جىلدىڭ قازان ايىندا قالامىزدا العاش قىزمەتىنە كىرىسكەن ايسۇلۋ بىلىكتىلىگىنىڭ بۇگىنگە دەيىن 800-گە جۋىق پاتسيەنتتى قابىلداپ، ەمدەۋ شارالارىن جۇرگىزگەن. ول ايەلدەر اراسىنداعى جاتىردىڭ قاتەرلى ىسىك اۋرۋىن ەرتە ساتىسىندا انىقتاپ، مەديتسينالىق كومەك كورسەتەدى.
–ناۋقاستاردى قابىلداۋ كەزىندە سۇيىسپەنشىلىكپەن قارايمىن. وسىلايشا پاتسيەنتتەرگە جاقىنداي تۇسەمىن. ولاردى تولىق تۇسىنە وتىرىپ، كومەك كورسەتكىم كەلەدى. ءار ناۋقاسقا جىلى سويلەپ، سوزبەندە قولداعىم كەلەدى،-دەيدى جاس دارىگەر.
بىلىكتى مامان قازىر ونكولوگيالىق ورتالىقتا ىشكى اۋديت قىزمەتىنىڭ مىندەتىن قوسا اتقارادى. حالىققا ساپالى مەديتسينالىق كومەك كورسەتۋدى ودان ءارى نىعايتۋ ءۇشىن بىلىكتىلىگىن ودان ءارى جەتىلدىرۋدى ماقسات ەتىپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
