بۇگىن — عابيت مۇسىرەپوۆ، مارات قابانباەۆ جانە جانىبەك كارمەنوۆتىڭ تۋعان كۇنى

3086
Adyrna.kz Telegram

بۇگىن – قازاق حالقىنىڭ ءبىرتۋار ۇلدارىنىڭ تۋعان كۇنى. 22 ناۋرىز كۇنى عابيت مۇسىرەپوۆتىڭ تۋعانىنا 119 جىل، مارات قابانباەۆتىڭ ءومىر ەسىگىن اشقانىنا 73 جىل، جانىبەك كارمەنوۆتىڭ دۇنيەگە كەلگەنىنە 72 جىل تولىپ وتىر.

عابيت ماحمۇتۇلى مۇسىرەپوۆ – قازاقتىڭ حالىق جازۋشىسى، دراماتۋرگ، سىنشى، مەملەكەت جانە قوعام قايراتكەرى. ونىڭ قالامىنان شىققان «ويانعان ولكە»، «جات قولىندا»، «قازاق سولداتى»، «ۇلپان»، «كەزدەسپەي كەتكەن ءبىر بەينە»، انا تاقىرىبىنا جازعان اڭگىمەلەرى قازاق ادەبيەتىنىڭ التىن قورىنا قوسىلعان باعا جەتپەس تۋىندىلار.

مارات قابانباەۆ – جازۋشى، پۋبليتسيست. ونىڭ شىعارمالارىنىڭ دەنى بالالار مەن جاسوسپىرىمدەرگە ارنالعان. نەگىزگى تاقىرىبى: زامان كەلبەتى، جاستاردىڭ ءومىر-تىرشىلىگى; يدەياسى: ادامدى ءسۇيۋ. «باقباق باسى تولعان كۇن» (1975), «ارىستان، مەن، ۆيولەنچەل جانە قاساپحانا» (1977), «جيھانكەز تيتي» (1982), «پىسىق بولدىم، مىنەكي» (1983), «قالا مەن قىز بالا» (1984), «قازاق، قايدا باراسىڭ؟» (1995), «سۋرەت سالعىم كەلمەيدى» (1995) اتتى پوۆەستەر مەن اڭگىمەلەر توپتامالارى، «كوركەم ءدام» (1977), «ايشىلىق الىس جول» (1987) روماندارى جارىق كوردى.

جانىبەك كارمەنۇلى – ءانشى، جازۋشى، قازاق كسر-ءىنىڭ ەڭبەك سىڭىرگەن ءارتىسى. ول وزىندىك ءان ورىنداۋشىلىعىمەن ەرەكشە كوزگە ءتۇستى، كوپتەگەن حالىق كومپوزيتورلارىنىڭ شىعارما ءومىرى مەن مۇراسىن ناسيحاتتاۋ جانە ولاردىڭ ۇمىتىلعان ءان ماتىندەرىن قالپىنا كەلتىرۋ ىسىنە مول ۇلەس قوستى. ونەر تاقىرىبىنا ارنالعان كىتاپتارى (“اقىلبايدىڭ ءانى”، ”عاشىقتىڭ ءتىلى”، “ماحاببات ءانى”) جارىق كوردى.

«ادىرنا» ۇلتتىق پورتالى

پىكىرلەر