Bügın – qazaq halqynyŋ bırtuar ūldarynyŋ tuǧan künı. 22 nauryz künı Ǧabit Müsırepovtıŋ tuǧanyna 119 jyl, Marat Qabanbaevtyŋ ömır esıgın aşqanyna 73 jyl, Jänıbek Kärmenovtıŋ düniege kelgenıne 72 jyl tolyp otyr.
Ǧabit Mahmūtūly Müsırepov – qazaqtyŋ halyq jazuşysy, dramaturg, synşy, memleket jäne qoǧam qairatkerı. Onyŋ qalamynan şyqqan «Oianǧan ölke», «Jat qolynda», «Qazaq soldaty», «Ūlpan», «Kezdespei ketken bır beine», ana taqyrybyna jazǧan äŋgımelerı qazaq ädebietınıŋ altyn qoryna qosylǧan baǧa jetpes tuyndylar.
Marat Qabanbaev – jazuşy, publisist. Onyŋ şyǧarmalarynyŋ denı balalar men jasöspırımderge arnalǧan. Negızgı taqyryby: zaman kelbetı, jastardyŋ ömır-tırşılıgı; ideiasy: adamdy süiu. «Baqbaq basy tolǧan kün» (1975), «Arystan, men, violenchel jäne qasaphana» (1977), «Jihankez Titi» (1982), «Pysyq boldym, mıneki» (1983), «Qala men qyz bala» (1984), «Qazaq, qaida barasyŋ?» (1995), «Suret salǧym kelmeidı» (1995) atty povester men äŋgımeler toptamalary, «Körkem däm» (1977), «Aişylyq alys jol» (1987) romandary jaryq kördı.
Jänıbek Kärmenūly – änşı, jazuşy, qazaq KSR-ınıŋ eŋbek sıŋırgen ärtısı. Ol özındık än oryndauşylyǧymen erekşe közge tüstı, köptegen halyq kompozitorlarynyŋ şyǧarma ömırı men mūrasyn nasihattau jäne olardyŋ ūmytylǧan än mätınderın qalpyna keltıru ısıne mol üles qosty. Öner taqyrybyna arnalǧan kıtaptary (“Aqylbaidyŋ änı”, ”Ǧaşyqtyŋ tılı”, “Mahabbat änı”) jaryq kördı.
«Adyrna» ūlttyq portaly
