بۇل تۋرالى الماتى قالاسىنىڭ باس سانيتارلىق دارىگەرى جانداربەك بەكشين بريفينگ بارىسىندا مالىمدەدى، - دەپ حابارلايدى “ادىرنا» ۇلتتىق پورتالى، Tengrinews.kz-كە سىلتەمە جاساپ.
«سوڭعى تاۋلىكتە الماتىدا كورونوۆيرۋستىق 437 وقيعا تىركەلدى. بۇل - ەڭ جوعارى كورسەتكىش بولعاندىقتان، ءبىز جەدەل تۇردە قاۋلى قابىلدادىق. ەگەر ءبىز قاتاڭ شارالار قولدانباساق، ينفەكتسيانىڭ تارالۋىن توقتاتا المايمىز. ينفەكتسيانىڭ تارالۋىنا سەبەپ بولاتىن نىساندارعا باسا نازار اۋدارۋ قاجەت. اسىرەسە مەكتەپتەرگە دەن قويۋ كەرەك. ءبىز ءار سىنىپ وقۋشىلارىنىڭ سانىن 25-تەن 15 وقۋشىعا دەيىن قىسقارتتىق»، - دەدى بەكشين.
سونداي-اق، اۋدانى 500 شارشى مەترگە دەيىنگى ازىق-تۇلىك دۇكەنىنەن بولەك دۇكەندەردىڭ جۇمىسى شەكتەۋلى (10.00-دەن 20.00-گە دەيىن),
- شاشتارازدار مەن سۇلۋلىق سالوندارى ەندى تەك شاش قيۋ ءۇشىن عانا جۇمىس ىستەي الادى جانە تەك الدىن الا جازىلۋ بويىنشا قىزمەت ىستەيدى. مانيكيۋر، پەديكيۋر جانە كوسمەتيكالىق قىزمەتتەرگە تىيىم سالىنادى;
- قوناق ۇيلەر، دەمالىس ورتالىقتارىنىڭ تولۋ دەڭگەيى 50 پايىزدان اسپايدى;
-سوسو مەن بازارلار 21-28 ناۋرىز ارالىعىندا جۇمىسىن توقتاتادى;
- جابىق ايماقتا ورنالاسقان، ونىڭ ىشىندە ساۋدا ورتالىعىندا ورنالاسقان قوعامدىق تاماقتانۋ ورىندارى تەك جەتكىزۋ قىزمەتى بويىنشا جۇمىس ىستەيدى;
- كىتاپحانالاردىڭ جۇمىسى توقتاتىلدى;
- قوعامدىق كولىكتەر مەن قالا ماڭىنداعى مارشرۋتتار كەستە بويىنشا جۇمىس كۇندەرى، ال دەمالىس جانە مەرەكە كۇندەرى كولىك كەستە بويىنشا تاڭعى 6.00-دەن 10.00-گە دەيىن، كەشكە 17.00-دەن 22.00-گە دەيىن عانا جۇمىس ىستەيدى;
- ۇلتتىق قۇراما كوماندالارىنىڭ مۇشەلەرىن دايارلاۋ ءۇشىن ۇلتتىق وليمپيادا كوميتەتىندە اككرەديتتەلگەندەردى قوسپاعاندا، سپورتتىق قوندىرعىلار مۇلدەم جۇمىس ىستەمەيدى;
- سپورتتىق-ساۋىقتىرۋ جانە فيتنەس-ورتالىقتارى دا جۇمىسىن توقتاتادى.
سونداي-اق، «مەدەۋ» مۇز ايدىنىندا كونكي تەبۋگە تىيىم سالىنادى. «شىمبۇلاق» تاۋ شاڭعىسى كۋرورتىنا بارۋ 10 ەسەگە ازايىپ، 500 ادامعا دەيىن قىسقاردى. كۋرورتتاعى تاماقتاندىرۋ ورىندارى تەك قابىلداۋ جانە جەتكىزۋ قىزمەتى بويىنشا جۇمىس ىستەيدى.
"ادىرنا" ۇلتتىق پورتالى
