300-دەن استام الماتىلىق «The finiko» قارجى پيراميداسىنا الدانعان. شىعىن كولەمى 2 ملن اقش دوللارىنا جۋىق. ياعني، 630 ملن تەڭگەدەن اسادى. بۇل تۋرالى قارجى مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتىنىڭ وكىلدەرى مالىمدەدى، دەپ حابارلايدى “ادىرنا” ۇلتتىق پورتالى.
قازىر قارجى پيراميداسى فيليالىنىڭ باسشىلارى تەرگەلىپ جاتىر. قىلمىستىق ءىس بويىنشا ءۇش ادام قاماۋعا الىنىپ، باسقا ادامداردىڭ قاتىسى انىقتالۋ ۇستىندە. وسىعان قاتىستى قۇقىق قورعاۋ ورگاندارى ازاماتتاردى قىراعى بولۋعا جانە جيناقتارىن كۇماندى قارجى ينستيتۋتتارىنا سالماۋعا شاقىرادى. ايتا كەتەيىك، «The finiko» كومپانياسى ەلىمىزدە 2021 جىلى قارجىلىق پيراماداسى رەتىندە تانىلعان.
“قارجى نارىعىن رەتتەۋ جانە دامىتۋ اگەنتتىگىنىڭ قورىتىندىسىنا سايكەس، «The finiko» سيمۋلياتور بولىپ تابىلادى جانە قاتىسۋشىلار بۇل باعدارلامانى ساۋدا مەن ينۆەستيتسيالاۋدىڭ الاڭى دەپ، اقشا سالادى، ال كومپانيانىڭ ءوزى دۇنيەجۇزىلىك قور بيرجالارىندا تىركەلمەگەن. ەگەر ءسىز نەمەسە ءسىزدىڭ تۋىستارىڭىز «The finiko» ارەكەتىنەن زارداپ شەكسە، اگەنتتىكتىڭ سەنىم تەلەفونىنا حابارلاسىڭىز”، - دەدى قر قارجىلىق مونيتورينگ اگەنتتىگىنىڭ رەسمي وكىلى الىبەك ءابدىلوۆ.
