الماتىنىڭ ناۋرىزباي اۋدانىندا قوس ەمحانا سالىنادى

2793
Adyrna.kz Telegram

مەملەكەت باسشىسى قاسىم-جومارت توقاەۆ جولداۋدا: «ەلىمىزدىڭ باستى قۇندىلىعى – ادام. بۇل – ايقىن نارسە.  سوندىقتان، ۇلتتىق بايلىقتى تەڭ ءبولۋ جانە بارشاعا بىردەي مۇمكىندىك بەرۋ – رەفورمانىڭ باستى ماقساتى. ۇلت ساۋلىعى جاقسى بولسا عانا، قوعام ورنىقتى داميدى»،-دەپ ايتقان بولاتىن. پرەزيدەنتتىڭ بۇل مالىمدەمەسى وڭىرلەردەگى مەديتسينانىڭ جايىن جاقسارتۋعا وزدىندىك ىقپالىن بەرۋدە، بۇل قاتاردا الماتى قالاسى دا بار، دەپ حابارلادى «ادىرنا» پورتالى.

قالا اكىمدىگى 2 جاڭا ەمحانا جانە 1 وتباسى-دارىگەرلىك امبۋلاتوريا سالۋدى جوسپارلاپ وتىر. بۇل تۋرالى الماتى اكىمى ەربولات دوساەۆ ناۋرىزباي اۋدانى تۇرعىندارىمەن كەزدەسۋىندە مالىمدەمەسى.

"اۋداندا، اسىرەسە جوعارعى بولىگىندە ەمحانالاردىڭ جەتىسپەۋ ماسەلەسى وزەكتى بولىپ تۇر. اۋدان حالقىنىڭ جىل سايىن 10-12 مىڭ ادامعا وسەتىنىن ەسكەرە وتىرىپ، قالا اكىمدىگى 2 جاڭا ەمحانا جانە 1 وتباسى-دارىگەرلىك امبۋلاتوريا سالۋدى جوسپارلاپ وتىر", - دەدى مەگاپوليس باسشىسى.

بۇگىنگى كۇنى قۇرامىس شاعىناۋدانىندا 500 كەلۋشىگە ارنالعان ەمحانانىڭ جوبالاۋ-سمەتالىق قۇجاتتاماسى ازىرلەندى. 2023 جىلدىڭ قاڭتارىندا مەملەكەتتىك ساراپتامانىڭ وڭ قورىتىندىسىن الۋ، 2023 جىلدىڭ II-توقسانىندا قۇرىلىس-مونتاجداۋ جۇمىستارىن باستاۋ جوسپارلانعان.

شۇعىلا شاعىناۋدانىندا 500 كەلۋشىگە ارنالعان جاڭا ەمحانا سالۋ ءۇشىن جەر ۋچاسكەسىن رەسىمدەۋ جانە جوبالاۋ-سمەتالىق قۇجاتتامانى ازىرلەۋگە كونكۋرس جاريالاۋ ءۇشىن قۇجاتتاما دايىندالىپ جاتىر.

"سونداي-اق، وسى جىلدىڭ سوڭىنا دەيىن اقجار شاعىناۋدانىندا 200 كەلۋشىگە ارنالعان 1 دارىگەرلىك امبۋلاتوريانىڭ جوبالاۋ-سمەتالىق قۇجاتتاماسىن ازىرلەۋ اياقتالادى، قازىرگى ۋاقىتتا ول مەملەكەتتىك ساراپتامانىڭ قاراۋىندا. قۇرىلىستى مەملەكەتتىك ساراپتامانىڭ وڭ قورىتىندىسىن الىپ، كونكۋرستىق پروتسەدۋرالاردى وتكىزگەننەن كەيىن 2023 جىلدىڭ II-توقسانىندا باستاۋ جوسپارلانعان", - دەپ مالىمدەدى اكىم.

 

پىكىرلەر