Almatyda karantın kúsheıedi

1302

Bul týraly Almaty qalasynyń bas sanıtarlyq dárigeri Jandarbek Bekshın brıfıng barysynda málimdedi, - dep habarlaıdy “Adyrna» ulttyq portaly, Tengrinews.kz-ke silteme jasap.

«Sońǵy táýlikte Almatyda koronovırýstyq 437 oqıǵa tirkeldi. Bul - eń joǵary kórsetkish bolǵandyqtan, biz jedel túrde qaýly qabyldadyq. Eger biz qatań sharalar qoldanbasaq, ınfekııanyń taralýyn toqtata almaımyz. Infekııanyń taralýyna sebep bolatyn nysandarǵa basa nazar aýdarý qajet. Ásirese mektepterge den qoıý kerek. Biz ár synyp oqýshylarynyń sanyn 25-ten 15 oqýshyǵa deıin qysqarttyq», - dedi Bekshın.

Sondaı-aq, aýdany 500 sharshy metrge deıingi azyq-túlik dúkeninen bólek dúkenderdiń jumysy shekteýli (10.00-den 20.00-ge deıin),

- Shashtarazdar men sulýlyq salondary endi tek shash qııý úshin ǵana jumys isteı alady jáne tek aldyn ala jazylý boıynsha qyzmet isteıdi. Manıkıýr, pedıkıýr jáne kosmetıkalyq qyzmetterge tyıym salynady;

- qonaq úıler, demalys ortalyqtarynyń tolý deńgeıi 50 paıyzdan aspaıdy;

-SOSO men bazarlar 21-28 naýryz aralyǵynda jumysyn toqtatady;

- jabyq aımaqta ornalasqan, onyń ishinde saýda ortalyǵynda ornalasqan qoǵamdyq tamaqtaný oryndary tek jetkizý qyzmeti boıynsha jumys isteıdi;

- kitaphanalardyń jumysy toqtatyldy;

- qoǵamdyq kólikter men qala mańyndaǵy marshrýttar keste boıynsha jumys kúnderi, al demalys jáne mereke kúnderi kólik keste boıynsha tańǵy 6.00-den 10.00-ge deıin, keshke 17.00-den 22.00-ge deıin ǵana jumys isteıdi;

- ulttyq qurama komandalarynyń múshelerin daıarlaý úshin Ulttyq Olımpıada komıtetinde akkredıttelgenderdi qospaǵanda, sporttyq qondyrǵylar múldem jumys istemeıdi;

- sporttyq-saýyqtyrý jáne fıtnes-ortalyqtary da jumysyn toqtatady.

Sondaı-aq, «Medeý» muz aıdynynda konkı tebýge tyıym salynady. «Shymbulaq» taý shańǵysy kýrortyna barý 10 esege azaıyp, 500 adamǵa deıin qysqardy. Kýrorttaǵy tamaqtandyrý oryndary tek qabyldaý jáne jetkizý qyzmeti boıynsha jumys isteıdi.

"Adyrna" ulttyq portaly

Pikirler
Uqsas jańalyqtar