الماتىدا «تازا قازاقستان» رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا «جاسىل اۋلا» اكتسياسىنا قاتىسۋ ءۇشىن قالا تۇرعىندارىنان وتىنىمدەر قابىلداۋ باستالادى.
جىل سايىنعى اكتسيا اياسىندا قالا تۇرعىندارى كوپقاباتتى ۇيلەردىڭ اۋلالارى مەن قوعامدىق كەڭىستىكتەردى كوگالداندىرۋ ءۇشىن جاپىراقتى اعاشتاردىڭ كوشەتتەرىن تەگىن الا الادى. اكتسيانىڭ نەگىزگى ماقساتى-جاسىل قوردى كوگالداندىرۋ جانە ساقتاۋ باعدارلاماسىن جالعاستىرۋ، سونداي-اق تۇرعىندار اراسىندا ەكولوگيالىق مادەنيەتتى قالىپتاستىرۋ.
اكتسيانىڭ كوكتەمگى كەزەڭىنە قاتىسۋ ءۇشىن وتىنىمدەردى قابىلداۋ 2025 جىلعى 1-11 ءساۋىر ارالىعىندا جالعاسادى.
قاتىسۋ ءۇشىن zhasyl_aula_2025@mail.ru ەلەكتروندىق مەكەنجايعا مىنا دەرەكتەرتەردى جىبەرۋ قاجەت:
- باستاماشىل تۇلعانىڭ اتى-ءجونى جانە بايلانىس دەرەكتەرى، و كوشەت وتىرعىزىلاتىن ناقتى مەكەنجاي;
- جوسپارلانعان وتىرعىزۋ الاڭىنىڭ بىرنەشە فوتوسۋرەتى (ماماندار ورنالاسقان جەردى باعالاي الاتىنداي پانورامالىق فوتوسۋرەت);
- كوشەتتەردىڭ قاجەتتى سانىن كورسەتىڭىز.
اكتسياعا قاتىساتىن قالا تۇرعىندارى بولاشاقتا كوشەت وتىرعىزۋ تۋرالى فوتورەپورتاج ۇسىنۋى قاجەت.
اكتسيا بويىنشا قوسىمشا اقپارات الۋ ءۇشىن الماتى قالاسى ەكولوگيا جانە قورشاعان ورتانى باسقارۋ باسقارماسىنىڭ جاسىل قور مونيتورينگى جانە باسقارۋ بولىمىنە مىنا تەلەفون ارقىلى حابارلاسۋعا بولادى: +7 771 894 34 57.
«جاسىل اۋلا» اكتسياسى-الماتىنىڭ بارلىق تۇرعىندارى ءۇشىن قالانى كوگالداندىرۋعا ءوز ۇلەسىن قوسىپ، ونى ودان دا جاسىل ءارى جايلى ەتۋگە بىرەگەي مۇمكىندىك.
