بىرىككەن ۇلتتار ۇيىمىندا World Happiness Report-تىڭ 2021 جىلعى ەسەبى جاسالدى. قازاقستان بۇل تىزىمدە 36-شى ورىن الدى، دەپ حابارلايدى WHR.
Nege.kz جازباسى بويىنشا، بۇۇ-نىڭ «الەمدىك باقىت تۋرالى» جىل سايىنعى ەسەبىندە بيىلعى جىلى الەمنىڭ 149 ەلى كۇتىلىپ وتىرعان ءومىر ۇزاقتىعى، الەۋمەتتىك قولداۋ، جەمقورلىق جانە تاعى باسقا كورسەتكىشتەر بويىنشا باعالانعان.
قازاقستان بۇل تىزىمدە 36-شى ورىن الىپ، رەسەي، گرۋزيا جانە تاجىكستان ەلدەرىن ارتتا قالدىردى.
رەيتينگىنىڭ باسىندا ءتورتىنشى جىل قاتارىنان ءبىرىنشى ورىن يەلەنىپ وتىرعان فينليانديا ەلى تۇر.
باقىت دەڭگەيى بويىنشا ۇزدىك ون ەلدىڭ قاتارىنا، سونداي-اق يسلانديا، دانيا، شۆەيتساريا، نيدەرلاندى، شۆەتسيا، گەرمانيا، نورۆەگيا، جاڭا زەلانديا جانە اۆستريا كىردى.
بۇرىنعى كەڭەس وداعى ەلدەرىنىڭ اراسىندا ەستونيا 28-ءشى ورىندا، ليتۆا 29-شى ورىندا، قىرعىزستان – 33-ءشى، لاتۆيا – 34-ءشى، قازاقستان – 36-شى، مولداۆيا 49-شى، رەسەي 60-شى، تاجىكستان 62-ءشى، ۋكراينا 69-شى جانە گرۋزيا 73-ءشى ورىندا تۇر.
رەيتينگىنى زيمبابۆە جانە تانزانيا ەلدەرى تۇيىندەدى. World Happiness Report 2021 رەيتينگىسىنىڭ بيىلعى ەرەكشەلىگى – ونىڭ كوروناۆيرۋس پاندەمياسىنىڭ ادام ومىرىنە اسەر ەتۋىن، سونداي-اق ءتۇرلى ەلدەر ۇكىمەتتەرىنىڭ ونى قالاي ەلەگەنىن باعالاۋىندا. الەم ەلدەرىنىڭ باقىت رەيتينگىسى 2012 جىلدان بەرى جاسالىپ كەلەدى.
