Qazaqstannan Qyrǵyzstan baqyttyraq

1550
Adyrna.kz Telegram

Birikken Ulttar uıymynda World Happiness Report-tyń 2021 jylǵy esebi jasaldy. Qazaqstan bul tizimde 36-shy oryn aldy, dep habarlaıdy WHR.

Nege.kz jazbasy boıynsha, BUU-nyń «Álemdik baqyt týraly» jyl saıynǵy esebinde bıylǵy jyly álemniń 149 eli kútilip otyrǵan ómir uzaqtyǵy, áleýmettik qoldaý, jemqorlyq jáne taǵy basqa kórsetkishter boıynsha baǵalanǵan.

Qazaqstan bul tizimde 36-shy oryn alyp, Reseı, Grýzııa jáne Tájikstan elderin artta qaldyrdy.

Reıtınginiń basynda tórtinshi jyl qatarynan birinshi oryn ıelenip otyrǵan Fınlıandııa eli tur.

Baqyt deńgeıi boıynsha úzdik on eldiń qataryna, sondaı-aq Islandııa, Danııa, Shveıarııa, Nıderlandy, Shveııa, Germanııa, Norvegııa, Jańa Zelandııa jáne Avstrııa kirdi.

Burynǵy Keńes Odaǵy elderiniń arasynda Estonııa 28-shi orynda, Lıtva 29-shy orynda, Qyrǵyzstan – 33-shi, Latvııa – 34-shi, Qazaqstan – 36-shy, Moldavııa 49-shy, Reseı 60-shy, Tájikstan 62-shi, Ýkraına 69-shy jáne Grýzııa 73-shi orynda tur.

Reıtıngini Zımbabve jáne Tanzanııa elderi túıindedi. World Happiness Report 2021 reıtıngisiniń bıylǵy ereksheligi – onyń koronavırýs pandemııasynyń adam ómirine áser etýin, sondaı-aq túrli elder úkimetteriniń ony qalaı elegenin baǵalaýynda. Álem elderiniń baqyt reıtıngisi 2012 jyldan beri jasalyp keledi.

Pikirler