19-ناۋرىز، ساعات تۇنگى (نۇر-سۇلتان ۋاقىتىمەن) 23:00 شاماسىندا، ەلىمىزدە Whatsارp جانە Instagram جەلىلەرى ىستەن شىقتى، دەپ حابارلايدى "ادىرنا" ۇلتتىق پورتالى.
بەلگىلى بولعانداي ەكى ونىمگە دە يەلىك ەتەتىن Facebook-تا عالامدىق اقاۋ ورىن العان. ءدال وسىنداي ماسەلە باسقا ەلدەردە دە بايقالدى.
قىزمەتتەردىڭ بارلىق تۇرلەرى ءۇشىن اقاۋلار مەن ىستەن شىعۋى جايلى اقپارات بەرەتىن Downdetector مالىمەتىنشە، جەلىلەردىڭ قول جەتىمسىزدىگى تۋرالى حابارلامالار نۇر-سۇلتان ۋاقىتىمەن شامامەن 23.00-دە پايدا بولعان.
اقاۋلار بىرقاتار ەلدەردە، سونىڭ ىشىندە رەسەيدە دە بايقالادى. Instagram-نىڭ ىستەن شىعۋىنا بايلانىستى ەڭ كوپ شاعىم اقش، ۇلىبريتانيا، گەرمانيا جانە باسقا دا ەۋروپا ەلدەرىنەن تۇسكەن.
Instagram-نىڭ بۇزىلعانىنا شاعىمدانعان قولدانۋشىلاردىڭ كوپشىلىگى (76%) جاڭالىقتار لەنتاسىنىڭ دۇرىس جۇمىس ىستەمەۋىن العا تارتتى، 15% الەۋمەتتىك جەلىگە كىرە الماي، 7%-ىندا Instagram-عا كىرۋدە قيىندىقتار تۋعان. 23 000-نان استام ادام Instagram جەلىسىندە قاتەلىكتەر ورىن العانىن ايتقان.
WhatsApp-تا ماسەلەلەرگە دۋشار بولعان پايدالانۋشىلاردىڭ ەڭ كوپ بولىگى (71%) جەلىگە بايلانىستى قيىندىقتارعا تاپ بولدى. 26%-ى حابارلاما جىبەرۋگە بايلانىستى ماسەلەلەرگە شاعىمداندى، تەك 1% -ى ءوز اككاۋنتتارىنا كىرە المادى. 10 000-عا جۋىق ادام WhatsApp جەلىسىنىڭ ىستەن شىققانىن راستاعان.
"ادىرنا" ۇلتتىق پورتالى
