19-naýryz, saǵat túngi (Nur-sultan ýaqytymen) 23:00 shamasynda, elimizde WhatsArp jáne Instagram jelileri isten shyqty, dep habarlaıdy "Adyrna" ulttyq portaly.
Belgili bolǵandaı eki ónimge de ıelik etetin Facebook-ta ǵalamdyq aqaý oryn alǵan. Dál osyndaı másele basqa elderde de baıqaldy.
Qyzmetterdiń barlyq túrleri úshin aqaýlar men isten shyǵýy jaıly aqparat beretin Downdetector málimetinshe, jelilerdiń qol jetimsizdigi týraly habarlamalar Nur-Sultan ýaqytymen shamamen 23.00-de paıda bolǵan.
Aqaýlar birqatar elderde, sonyń ishinde Reseıde de baıqalady. Instagram-nyń isten shyǵýyna baılanysty eń kóp shaǵym AQSh, Ulybrıtanııa, Germanııa jáne basqa da Eýropa elderinen túsken.
Instagram-nyń buzylǵanyna shaǵymdanǵan qoldanýshylardyń kópshiligi (76%) jańalyqtar lentasynyń durys jumys istemeýin alǵa tartty, 15% áleýmettik jelige kire almaı, 7%-ynda Instagram-ǵa kirýde qıyndyqtar týǵan. 23 000-nan astam adam Instagram jelisinde qatelikter oryn alǵanyn aıtqan.
WhatsApp-ta máselelerge dýshar bolǵan paıdalanýshylardyń eń kóp bóligi (71%) jelige baılanysty qıyndyqtarǵa tap boldy. 26%-y habarlama jiberýge baılanysty máselelerge shaǵymdandy, tek 1% -y óz akkaýnttaryna kire almady. 10 000-ǵa jýyq adam WhatsApp jelisiniń isten shyqqanyn rastaǵan.
"Adyrna" ulttyq portaly
