وتاندىق ءانشى قايرات نۇرتاستىڭ جۇبايى جۇلدىز ابدىكارىموۆا ايەلدەر وتكىزگەن شەرۋگە قاتىستى ءوز پىكىرىن ءبىلدىردى، دەپ حابارلايدى "ادىرنا" ۇلتتىق پورتالى.
ايەل ادامعا ارقاشان دا قورعان كەرەك ەكەنىن ايتىپ، كىشكەنتاي كەزدەگى وقيعالارعا شولۋ جاسادى.
"قوي̆ تەرىسىن جامىلعان قاسقىردىڭ جەمتىگى بوپ قالماي̆ىق... كىشكەنتاي̆ كەزدە ءبىزدى بىرەۋ رەنجىتسە اعامىزعا نە اكەمىزگە اي̆تاتىنبىز. سەبەبى ولاردىڭ بىزگە قورعان ەكەنىن بىلدىك. ناعاشىمىزعا “ارقالاشى، كوتەرشى” دەپ ەركەلەي̆ وستىك. سەبەبى ەركەلەتە الاتىنىنا سەندىك".
وتباسى بولعان سوڭ ىدىس-اياق سىلدىرلاماي تۇرمايتىنىن جەتكىزىپ، ەر مەن ايەل اراسىنداعى كەلىسپەۋشىلىك ەكەۋارا شەشىلەتىن ماسەلە ەكەنىن دە تۋرالاپ ايتتى.
"بوي̆جەتە كەلە ءسوز سالعان سۇي̆ىكتىمىزگە، ء“يا” دەپ، وتباسىن قۇرۋعا كەلىسىم بەردىك. سەبەبى ودان بولاشاق وتاعاسىن كوردىك. ال ۋاقىت وتە پاي̆دا بولاتىن وتباسى ىشىندەگى تۇسىنىسپەۋشىلىك ەر مەن اي̆ەلدىڭ ەكەۋارا ماسەلەسى-مامىلەسى ەدى. ەكەۋىنىڭ ىقتيارلىعىمەن ءبىر شەشىمگە كەلەتىن تەك ەكەۋدىڭ اڭگىمەسى. ال شەتتەن شىققان جاعداي̆دا زاڭ بار، قۇقىق بار. ۇندەسە دە، ۇندەمەسە دە - ول دا ءوز تاڭداۋى".
شەرۋگە شىققان، سول شەرۋدى قولداعان قوعامدى تۇسىنبەيتىنىن، تۇسىنگىسى دە كەلمەيتىنىن ايتىپ اشىندى.
"كەشەگى شەرۋدى جانە سول شەرۋدى قولداعان قوعامدىق وي̆ قالىپتاستىرۋشىلاردى تۇسىنبەدىم، تۇسىنبەي̆مىن دە... ءبىز قاي̆ كەزدە سىرتتان قورعان ىزدەپ ەدىك؟! ءبىزدى قاي̆ كەزدە سىرتتان كىم قورعاعان ەدى؟! “سەنى قورعاي̆مىن” دەگەنگە سەنىپ، جات يدەولوگيانىڭ قۇربانى بوپ كەتپەي̆ىك!
ءيا، اي̆ەل مازاق بولاتىن ەمەس، ماداق قىلاتىن جان! ءيا، اي̆ەل قورلاناتىن ەمەس، قورعالاتىن جان! بىراق ءبىز شەرۋگە شىقپاي̆ تۇرىپ دوسىمىز بەن دۇشپانىمىزدى اجىراتۋىمىز كەرەك. ەگەر الدا-جالدا ۇلىمىز كەلىن ەمەس، ەرىن اكەلسە، قىزىمىز قىز قۇشاقتاپ كەلسە، ءبىز نە ىستەي̆مىز-ءسىز نە ىستەي̆سىز؟!"
