Otandyq ánshi Qaırat Nurtastyń jubaıy Juldyz Ábdikárimova áıelder ótkizgen sherýge qatysty óz pikirin bildirdi, dep habarlaıdy "Adyrna" ulttyq portaly.
Áıel adamǵa árqashan da qorǵan kerek ekenin aıtyp, kishkentaı kezdegi oqıǵalarǵa sholý jasady.
"Qoı̆ terisin jamylǵan qasqyrdyń jemtigi bop qalmaı̆yq... Kishkentaı̆ kezde bizdi bireý renjitse aǵamyzǵa ne ákemizge aı̆tatynbyz. Sebebi olardyń bizge qorǵan ekenin bildik. Naǵashymyzǵa “arqalashy, kótershi” dep erkeleı̆ óstik. Sebebi erkelete alatynyna sendik".
Otbasy bolǵan soń ydys-aıaq syldyrlamaı turmaıtynyn jetkizip, er men áıel arasyndaǵy kelispeýshilik ekeýara sheshiletin másele ekenin de týralap aıtty.
"Boı̆jete kele sóz salǵan súı̆iktimizge, “ıá” dep, otbasyn qurýǵa kelisim berdik. Sebebi odan bolashaq otaǵasyn kórdik. Al ýaqyt óte paı̆da bolatyn otbasy ishindegi túsinispeýshilik er men áı̆eldiń ekeýara máselesi-mámilesi edi. Ekeýiniń yqtııarlyǵymen bir sheshimge keletin tek ekeýdiń áńgimesi. Al shetten shyqqan jaǵdaı̆da zań bar, quqyq bar. Úndese de, úndemese de - ol da óz tańdaýy".
Sherýge shyqqan, sol sherýdi qoldaǵan qoǵamdy túsinbeıtinin, túsingisi de kelmeıtinin aıtyp ashyndy.
"Keshegi sherýdi jáne sol sherýdi qoldaǵan qoǵamdyq oı̆ qalyptastyrýshylardy túsinbedim, túsinbeı̆min de... Biz qaı̆ kezde syrttan qorǵan izdep edik?! Bizdi qaı̆ kezde syrttan kim qorǵaǵan edi?! “Seni qorǵaı̆myn” degenge senip, jat ıdeologııanyń qurbany bop ketpeı̆ik!
Iá, áı̆el mazaq bolatyn emes, madaq qylatyn jan! Iá, áı̆el qorlanatyn emes, qorǵalatyn jan! Biraq biz sherýge shyqpaı̆ turyp dosymyz ben dushpanymyzdy ajyratýymyz kerek. Eger alda-jalda ulymyz kelin emes, erin ákelse, qyzymyz qyz qushaqtap kelse, biz ne isteı̆miz-siz ne isteı̆siz?!"
