اتىراۋ وبلىسىندا تۇرعىن ۇيدەن 4 ادامنىڭ، سونىڭ ىشىندە 1 بالانىڭ دەنەسى تابىلدى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە، قايعىلى وقيعا 4 ناۋرىز كۇنى ماحامبەت اۋدانىندا بولعان.
«كەشكى ساعات 18:33-تە ماحامبەت اۋداندىق №11 ءورت ءسوندىرۋ بولىمشەسىنە پوليتسيا بولىمىنەن اقتوعاي ەلدى مەكەنىندە سالىقوۆ كوشەسىندەگى ۇيلەردىڭ بىرىنەن 4 ادامنىڭ مۇردەسى تابىلعانى تۋرالى حابار ءتۇستى. وقيعا ورنىنا بارعان ماحامبەت اۋداندىق توتەنشە جاعدايلار ءبولىمىنىڭ قىزمەتكەرلەرى 1974, 1991 جىلى تۋعان ەكى ەر ادام مەن 1977 جىلعى ايەلدىڭ، 2016 جىلى ومىرگە كەلگەن قىزدىڭ قايتىس بولعانىن انىقتادى»، - دەپ حابارلادى دەپارتامەنتتىڭ ءباسپاسوز قىزمەتىنەن.
الدىنا الا بولجام بويىنشا، قازا بولعاندار كومىرقىشقىل گازىنا ۋلانعان. وقيعانىڭ ءمان-جايى انىقتالعاننان كەيىن قوسىمشا اقپارات بەرىلەتىن بولادى.
«ادىرنا» ۇلتتىق پورتالى
