Atyraý oblysynda turǵyn úıden 4 adamnyń, sonyń ishinde 1 balanyń denesi tabyldy, dep habarlaıdy «Adyrna» tilshisi QazAqparatqa silteme jasap.
Oblystyq Tótenshe jaǵdaılar departamenti baspasóz qyzmetiniń málimetinshe, qaıǵyly oqıǵa 4 naýryz kúni Mahambet aýdanynda bolǵan.
«Keshki saǵat 18:33-te Mahambet aýdandyq №11 órt sóndirý bólimshesine polıııa bóliminen Aqtoǵaı eldi mekeninde Salyqov kóshesindegi úılerdiń birinen 4 adamnyń múrdesi tabylǵany týraly habar tústi. Oqıǵa ornyna barǵan Mahambet aýdandyq Tótenshe jaǵdaılar bóliminiń qyzmetkerleri 1974, 1991 jyly týǵan eki er adam men 1977 jylǵy áıeldiń, 2016 jyly ómirge kelgen qyzdyń qaıtys bolǵanyn anyqtady», - dep habarlady departamenttiń baspasóz qyzmetinen.
Aldyna ala boljam boıynsha, qaza bolǵandar kómirqyshqyl gazyna ýlanǵan. Oqıǵanyń mán-jaıy anyqtalǵannan keıin qosymsha aqparat beriletin bolady.
«Adyrna» ulttyq portaly
