جول اپاتى، جۇكتى ايەلدى كولىكتە بوساندىرۋ مەن ءتۇرلى وقىس جاعدايلار. ءبىز ءۇشىن مۇنداي جاعدايلار تاڭعالارلىق بولسا، فەلدشەر ماماندارى ءۇشىن كۇندەلىكتى قىزمەت. سوندىقتان دا بۇل جۇمىستى تەك سول ءىستىڭ ناعىز ماماندارى، ادام ءومىرىن ساقتاۋدى - بورىشى دەپ سانايتىن ابزال جاندار عانا اتقارا الادى. سولاردىڭ ءبىرى- مەيرامبەك ارعىنباەۆ.
م.ارعىنباەۆ - قالالىق جەدەل جارلەم ستانتسياسىنداعى №1 قوسالقى ستانتسيانىڭ قارقىندى تەراپيا بريگاداسىنىڭ دارىگەرى بولىپ جۇمىس ىستەيدى.
بىلىكتى مامان 11 جىلدان بەرى دەنساۋلىق ساقتاۋ سالاسىندا قىزمەت ەتىپ كەلەدى. كوبىنە اۋىر جاعدايداعى ناۋقاستارعا كومەك كورسەتەتىن مامان رەانيماتسيالىق كومەك كورسەتۋدە ۇزدىك ەكەنىن دالەلدەي بىلگەن. وسى كۇنگە دەيىن فەلدشەر كلينيكالىق ءولىم جاعدايىنداعى 40-قا جۋىق ازاماتقا ءساتتى رەانيماتسيالىق كومەك كورسەتىپ، اجالدان اراشالاپ قالعان.
فەلدشەر ءوزىنىڭ ماماندىعىن ماقتان ەتەتىنىن ايتىپ، حالىقتىڭ ساۋلىعى ءۇشىن ايانباي ەڭبەك ەتەمىن دەيدى.
–وسىدان ءبىر اي بۇرىن كەزەكشىلىك كەزدە قالاداعى «تەرىسكەي» شاعىن اۋدانىنان شاقىرتۋ ءتۇستى. ءبىز بارعان كەزلدە ەس ءتۇسسىز حالدە كەرۋەتتە جاتقان ەر كىسىگە ءبىرىنشى مەديتسينالىق كومەك كورسەتتىك. ناۋقاستى تەكسەرىپ جاتقاندا كەنەتتەن جۇرەگى توقتاپ قالدى. ۋاقىت جوعالتپاي دەرەۋ كومەكشىمىز ەكەۋمىز رەانيماتسيالىق ءىس شارالاردى جاساپ، 4 مينۋت ىشىندە ناۋقاستى كلينيكالىق ءولىم جاعدايىنان شىعاردىق. كەيىن ناۋقاستى جۇرەك ورتالىعىنا جەدەل جاردەممەن جەتكىزدىك. ناۋقاستىڭ دەنساۋلىق جاعدايى جاقسارىپ، وتباسىنا امان-ەسەن ورالدى» -دەيدى فەلدشەر.
جاس دارىگەر بىلىكتىلىگىنىڭ ارقاسىندا كوپتەگەن ناۋقاستاردىڭ العىسىن العان. ول «جەدەل مەديتسينالىق كومەك»، «رەانيماتولوگيا جانە انەستەزيولوگيا» باعدارلامالارى بويىنشا بىلىكتىلىكتىن ارتتىرعان.
شىمكەنت قالاسى اكىمدىگىنىڭ ءباسپاسوز قىزمەتى
