مادەنيەت جانە سپورت ۆيتسە-ءمينيسترى ساكەن مۇسايبەكوۆ قاماۋعا الىندى، دەپ حابارلايدى «ادىرنا» ءتىلشىسى «Astana TV»-گە سىلتەمە جاساپ.
اقپاراتتى سىبايلاس جەمقورلىققا قارسى ءىس-قيمىل اگەنتتىگى راستادى. ول بۋكمەكەرلىك قىزمەت سالاسىندا بىرەۋدىڭ مۇددەسىن قولدادى دەپ كۇدىككە ىلىنگەن. وزگە اقپارات تەرگەۋ ەرەجەسىنە ساي ايتىلمادى. ساكەن مۇسايبەكوۆ بۇل قىزمەتكە 2020 جىلدىڭ مامارىندا عانا تاعايىندالعان بولاتىن.
«مادەنيەت جانە سپورت ۆيتسە-مينيسترىنە قاتىستى سوتقا دەيىنگى تەرگەۋ جۇرگىزىلىپ جاتىر. ول بۋكمەكەرلىك قىزمەت سالاسىندا بەلگىلى كومپانيا قۇرىلتايشىسىنان قولداۋ كورسەتكەنى جانە جالپى قامقورلىعى ءۇشىن پارا الدى دەگەن كۇدىككە ءىلىندى. سوت سانكتسياسىمەن پارا الۋشى دا، پارا بەرۋشى قاماۋعا الىندى»،-دەدى اگەنتتىك وكىلى دانيار بەكايداروۆ.
سونداي-اق «الاتاۋ» كلينيكاسىنىڭ باسشىسىنا قاتىستى دا تەرگەۋ باستالعان. دارىگەر ونكولوگيالىق ناۋقاس بالالارعا ارنالعان ازىق-تۇلىكتى ۇرلاۋ جانە ساتۋ فاكتىسى بويىنشا ءىستى بولىپ وتىر. كۇدىكتى قازىرگى ۋاقىتتا قاماۋعا الىنعان.
«ادىرنا» ۇلتتىق پورتالى
