ءىز-ءتۇزسىز جوعالعان زەينەتكەر ىزدەستىرىلۋدە

1741
Adyrna.kz Telegram

الماتىدا ءىز-ءتۇزسىز جوعالعان زەينەتكەر ىزدەستىرىلىپ جاتىر. 72 جاستاعى ەۆگەني ساۆچين 19 اقپاندا قاراساي باتىر كوشەسىندەگى ۇيىنەن شىعىپ كەتىپ، قايتا ورالماعان، دەپ حابارلايدى «ادىرنا» ءتىلشىسى Almaty.tv-گە سىلتەمە جاساپ.

جاقىندارىنىڭ ايتۋىنشا سوڭعى ۋاقىتتا قاريانىڭ ەستە ساقتاۋ قابىلەتى ناشارلاي باستاعان. بالالارى ونى كوشە بويىندا ورناتىلعان بەينەباقىلاۋ كامەرالارى ارقىلى ىزدەگەن. الايدا زەينەتكەردىڭ ءىزى جۇماباەۆ-جانسۇگىروۆ كوشەلەرىنىڭ قيىلىسىندا ۇزىلەدى. قازىر ىزدەۋ شارالارىنا پوليتسيا قىزمەتكەرلەرى مەن جۇزدەگەن ەرىكتىلەر تارتىلعان.

«ارينە، كەز كەلگەن سىياقىنى بەرۋگە دايىنبىز. ەڭ باستىسى اكەم امان-ەسەن ارامىزعا ورالسا ەكەن. ول وتە اقكوڭىل ادام. ەگەر كورىپ قالساڭىزدار، ونى ەشقايدا جىبەرمەي، بىزگە حابارلاسۋىڭىزدى سۇرايمىن»، – دەدى قالا تۇرعىنى ماكسيم ساۆچين.

زەينەتكەردىڭ ەرەكشە بەلگىلەرى: بويى 164 سانتيمەتر، دەنە ءبىتىمى ارىق كەلگەن، اقشاشتى، جاسىل كوزدى. ۇستىنە قوڭىر تون، ءۇلبىر قالپاق جانە كوك جەيدە مەن دجينس شالبار كيگەن. وزىمەن بىرگە سارى پاكەت بولعان. جوعالعان ادامدى كورگەن نەمەسە جۇرگەن جەرىن بىلەتىن ادامدار بولسا، بىردەن قۇقىق قورعاۋ ورگاندارىنا حابارلاسساڭىزدار بولادى.

«ادىرنا» ۇلتتىق پورتالى

پىكىرلەر