Almatyda iz-túzsiz joǵalǵan zeınetker izdestirilip jatyr. 72 jastaǵy Evgenıı Savchın 19 aqpanda Qarasaı batyr kóshesindegi úıinen shyǵyp ketip, qaıta oralmaǵan, dep habarlaıdy «Adyrna» tilshisi Almaty.tv-ge silteme jasap.
Jaqyndarynyń aıtýynsha sońǵy ýaqytta qarııanyń este saqtaý qabileti nasharlaı bastaǵan. Balalary ony kóshe boıynda ornatylǵan beınebaqylaý kameralary arqyly izdegen. Alaıda zeınetkerdiń izi Jumabaev-Jansúgirov kósheleriniń qıylysynda úziledi. Qazir izdeý sharalaryna polıııa qyzmetkerleri men júzdegen eriktiler tartylǵan.
«Árıne, kez kelgen syıaqyny berýge daıynbyz. Eń bastysy ákem aman-esen aramyzǵa oralsa eken. Ol óte aqkóńil adam. Eger kórip qalsańyzdar, ony eshqaıda jibermeı, bizge habarlasýyńyzdy suraımyn», – dedi qala turǵyny Maksım Savchın.
Zeınetkerdiń erekshe belgileri: boıy 164 santımetr, dene bitimi aryq kelgen, aqshashty, jasyl kózdi. Ústine qońyr ton, úlbir qalpaq jáne kók jeıde men djıns shalbar kıgen. Ózimen birge sary paket bolǵan. Joǵalǵan adamdy kórgen nemese júrgen jerin biletin adamdar bolsa, birden quqyq qorǵaý organdaryna habarlassańyzdar bolady.
«Adyrna» ulttyq portaly
