شىمكەنتتە 14 ءۇش اۋىسىمدى، 1 اپاتتى مەكتەپ بار. 13 شاعىن اۋداندا مەكتەپ جوق. حالىق سانىنىڭ وسىمىنە وراي مەكتەپ وقۋشىلارىنىڭ سانى بىلتىر ءبىر جىلدا 20 889 بالاعا كوبەيگەن.
قالا اكىمى مۇرات ايتەنوۆ ءبىلىم سالاسىنىڭ ينفراقۇرىلىمىن شەشۋ ءۇشىن بىلتىر 5 جىلعا جوسپار دايىندالىپ، سول بويىنشا جۇمىس اتقارىلىپ جاتقانىن جەتكىزدى.
2025 جىلعا دەيىن شىمكەنتتە 85 مەكتەپ اشىلادى، ونىڭ 33-ءى مەملەكەت ەسەبىنەن، 12-ءسى مەملەكەتتىك-جەكەمەنشىك ارىپتەستىك نەگىزىندە، 40 مەكتەپتى جەكە ينۆەستورلار سالادى. ونىڭ ىشىندە بيىل 32 مەكتەپتىڭ قۇرىلىسى باستالادى. الداعى ءۇش جىلدا شىمكەنتتە ءۇش اۋىسىمدى مەكتەپ ماسەلەسى تولىق شەشىلەدى.
ءبىلىم سالاسىنداعى تاعى ءبىر ۇلكەن ماسەلە – قوسىمشا بىلىممەن قامتۋ. قالا وقۋشىلارىنىڭ 16 پايىزى قوسىمشا بىلىممەن قامتىلعان. بۇل تۇرعىدا شاھار باسشىسى بۇرىنعى فوسفورشىلار سارايىن جاستار سارايىنا اينالدىرىپ، جاڭادان زاماناۋي وقۋشىلار سارايىنىڭ قۇرىلىسىن باستاۋدى كوزدەپ وتىرعانىن ايتتى.
2025 جىلعا دەيىن قوسىمشا بىلىممەن قامتۋ 55 پايىزدى قۇراماق.
