پوليتسەيلەر جەكە كۋالىكسىز نەمەسە جۇرگىزۋشى قۇجاتىنسىز جولعا شىققان جۇرگىزۋشىلەردى قاماۋعا الا الادى. كولىك ايىپ تۇراعىنا قويىلۋى مۇمكىن. ىشكى ىستەر مينيسترلىگى Kolesa.kzسۇراۋىنا جاۋاپ بەردى، دەپ حابارلايدى “ادىرنا” ۇلتتىق پورتالى.
"اكىمشىلىك قۇقىقبۇزۋشىلىق تۋرالى كودەكستىڭ 612-بابى 1-بولىگىنە سايكەس، كولىكتى قۇجاتسىز باسقارعان جۇرگىزۋشىلەر ءۇشىن اكىمشىلىك جاۋاپكەرشىلىك قاراستىرىلعان. ەگەر جاعداي ءبىرىنشى رەت تىركەلسە، ەسكەرتۋ جاسالادى نەمەسە 5 اەك كولەمىندەگى (14 585 تەڭگە) ايىپپۇل سالىنادى. جۇرگىزۋشى قۇجات مالىمەتىن ايتۋدان باس تارتسا نەمەسە جالعان اقپارات بەرسە، ءىىب قىزمەتكەرلەرى جۇرگىزۋشىنى قاماۋعا الا الادى. مۇنداي جاعدايدا كولىك ايىپ تۇراعىنا قويىلادى", - دەلىنگەن جاۋاپتا.
مينيسترلىك پوليتسەيلەر قۇجاتسىز جۇرگىزۋشىنىڭ تۇلعاسى قانداي جاعدايدا جانە قالاي انىقتالاتىنىن ناقتىلامادى. اكىمشىلىك قۇقىقبۇزۋشىلىق تۋرالى كودەكستىڭ 785-بابىندا اتى-ءجونىن انىقتاۋ ءۇشىن ءتارتىپ بۇزۋشىنى ۇستاۋعا بولاتىنى جازىلعان. ال 789-باپقا سايكەس، ونى 3 ساعاتتان ارتىق قاماۋدا ۇستاۋعا بولمايدى.
سونداي-اق، كودەكستىڭ 797-بابى بويىنشا پوليتسەيلەر رولگە قۇجاتسىز وتىرعان جۇرگىزۋشىنىڭ كولىگىن ايىپ تۇراعىنا جىبەرۋگە قۇقىلى.
