Polıeıler jeke kýáliksiz nemese júrgizýshi qujatynsyz jolǵa shyqqan júrgizýshilerdi qamaýǵa ala alady. Kólik aıyp turaǵyna qoıylýy múmkin. Ishki ister mınıstrligi Kolesa.kzsuraýyna jaýap berdi, dep habarlaıdy “Adyrna” ulttyq portaly.
"Ákimshilik quqyqbuzýshylyq týraly kodekstiń 612-baby 1-bóligine sáıkes, kólikti qujatsyz basqarǵan júrgizýshiler úshin ákimshilik jaýapkershilik qarastyrylǵan. Eger jaǵdaı birinshi ret tirkelse, eskertý jasalady nemese 5 AEK kólemindegi (14 585 teńge) aıyppul salynady. Júrgizýshi qujat málimetin aıtýdan bas tartsa nemese jalǵan aqparat berse, IIB qyzmetkerleri júrgizýshini qamaýǵa ala alady. Mundaı jaǵdaıda kólik aıyp turaǵyna qoıylady", - delingen jaýapta.
Mınıstrlik polıeıler qujatsyz júrgizýshiniń tulǵasy qandaı jaǵdaıda jáne qalaı anyqtalatynyn naqtylamady. Ákimshilik quqyqbuzýshylyq týraly kodekstiń 785-babynda aty-jónin anyqtaý úshin tártip buzýshyny ustaýǵa bolatyny jazylǵan. Al 789-bapqa sáıkes, ony 3 saǵattan artyq qamaýda ustaýǵa bolmaıdy.
Sondaı-aq, kodekstiń 797-baby boıynsha polıeıler rólge qujatsyz otyrǵan júrgizýshiniń kóligin aıyp turaǵyna jiberýge quqyly.
