Poliseiler jeke kuälıksız nemese jürgızuşı qūjatynsyz jolǧa şyqqan jürgızuşılerdı qamauǧa ala alady. Kölık aiyp tūraǧyna qoiyluy mümkın. Işkı ıster ministrlıgı Kolesa.kzsūrauyna jauap berdı, dep habarlaidy “Adyrna” ūlttyq portaly.
"Äkımşılık qūqyqbūzuşylyq turaly kodekstıŋ 612-baby 1-bölıgıne säikes, kölıktı qūjatsyz basqarǧan jürgızuşıler üşın äkımşılık jauapkerşılık qarastyrylǧan. Eger jaǧdai bırınşı ret tırkelse, eskertu jasalady nemese 5 AEK kölemındegı (14 585 teŋge) aiyppūl salynady. Jürgızuşı qūjat mälımetın aitudan bas tartsa nemese jalǧan aqparat berse, IIB qyzmetkerlerı jürgızuşını qamauǧa ala alady. Mūndai jaǧdaida kölık aiyp tūraǧyna qoiylady", - delıngen jauapta.Ministrlık poliseiler qūjatsyz jürgızuşınıŋ tūlǧasy qandai jaǧdaida jäne qalai anyqtalatynyn naqtylamady. Äkımşılık qūqyqbūzuşylyq turaly kodekstıŋ 785-babynda aty-jönın anyqtau üşın tärtıp būzuşyny ūstauǧa bolatyny jazylǧan. Al 789-bapqa säikes, ony 3 saǧattan artyq qamauda ūstauǧa bolmaidy. Sondai-aq, kodekstıŋ 797-baby boiynşa poliseiler rölge qūjatsyz otyrǧan jürgızuşınıŋ kölıgın aiyp tūraǧyna jıberuge qūqyly.
Ūqsas jaŋalyqtar
