جاڭاتاستاعى 5 بالانىڭ ءولىمى: «Birgemiz» قورى وتباسىنا 2 ملن تەڭگە بولەدى

1964
Adyrna.kz Telegram

«Birgemiz» قورىنىڭ قامقورشىلىق كەڭەسى جامبىل وبلىسىنىڭ جاڭاتاس قالاسىندا ءورت سالدارىنان 5 بالاسىنان ايىرىلعان ابدىمالىكوۆتەر وتباسىنا 2 ملن تەڭگە بەرۋ شەشىمىن قابىلدادى، دەپ حابارلايدى «ادىرنا» ءتىلشىسى قازاقپارات-قا سىلتەمە جاساپ.

«قور اتىنان قازا تاپقان بالالاردىڭ اتا-اناسى مەن جاقىندارىنا قايعى-قاسىرەتتەرىنە ورتاقتاسىپ كوڭىل ايتامىز. بۇل، بالالاردىڭ اتا-اناسى ءۇشىن دە، ءبىز ءۇشىن دە ورنى تولماس اۋىر قازا. ابدىمالىكوۆتەر وتباسىنىڭ قايعىلارىن بولىسە وتىرىپ، ءبىز ماتەريالدىق كومەك كورسەتۋگە شەشىم قابىلدادىق»، - دەدى قور توراعاسى رۋسلان ساكەەۆ.

ەستەرىڭىزگە سالا كەتەيىك، «Birgemiz» قورى وتكەن جىلدىڭ ناۋرىز ايىندا تۇڭعىش پرەزيدەنت، «Nur Otan» پارتياسىنىڭ كوشباسشىسى نۇرسۇلتان نازارباەۆتىڭ باستاماسىمەن كوروناۆيرۋسپەن كۇرەس جاعدايىندا حالىقتىڭ الەۋمەتتىك وسال توپتارىن قولداۋ ءۇشىن قۇرىلعان بولاتىن. وسى ۋاقىت ىشىندە قور قاراجاتىنان 655 مىڭنان استام مۇقتاج ازامات 50 مىڭ تەڭگەدەن الدى. پاندەميا باستالعان كەزەڭدە نۇر-سۇلتان، الماتى جانە شىمكەنت قالالارىنداعى الەۋمەتتىك ءالسىز 100 مىڭ وتباسىعا 5 ملن ماسكا تاراتىلدى. سونىمەن قاتار، قور ەسەبىنەن تۇركىستان وبلىسىنىڭ ماقتاارال اۋدانىنداعى مىرزاكەنت اۋىلىندا 32 ءۇيدىڭ قۇرىلىسى اياقتالدى.

«ادىرنا» ۇلتتىق پورتالى

 

پىكىرلەر